''कदाचित ही शेवटची गुड मॉर्निंग" म्हणत डॉक्टर महिलेने सोडले प्राण

mumbai doctor death
mumbai doctor death

कोरोनाची स्थिती देशभर चिंताजनक आहे. कोरोनामुळे परिस्थिती गंभीर होत आहे. कोरोनामुळे अनेक डॉक्टरांनी आपले प्राणही गमावले आहेत. अलीकडेच मुंबईतील एका 51 वर्षिय महिला डॉक्टरांनी फेसबुकवरती भावनिक पोस्ट लिहिली आणि त्यांनतर 36 तासाने त्यांच्या मृत्यू झाला. कोरोनामुळे  सोमवारी रात्री सेवरी टीबी हॉस्पिटलच्या मुख्य वैद्यकीय अधिकारी डॉ. मनीषा जाधव यांचे निधन झाले. सर्वात दुखद बाब म्हणजे, फेसबुकलावरती पोस्ट लिहून 36 तासांनंतर त्यांनी जगाला सदैव निरोप दिला. ("Maybe this is the last good morning," said the doctor)

रविवारी त्यांनी फेसबुकवर पोस्ट केले, "कदाचित ही शेवटची सुप्रभात असू शकेल. या प्लॅटफॉर्मवर मी तुम्हाला यापुढे भेटू शकणार नाही. लक्षात ठेवा. शरीर मृत आहे. आत्मा नाही. आत्मा अमर आहे." अशा भावनिक शबदात त्यांनी लिहून आपले प्राण सोडले. डॉक्टर मनीषा या क्षयरोगाच्या उपचारावरील तज्ञ होत्या आणि सेव्हरी टीबी हॉस्पिटलमध्ये काम करायच्या. भारतीय वैद्यकीय संघटनेच्या (आयएमए)  अहवालानुसार आतपर्यंत ७४७ डॉक्टरांचा कोरोनामुळे मृत्यू झाला आहे. 

20 एप्रिल 2021 रोजी देशभरात कोरोनाच्या रुग्णांनी रेकॉर्ड तोडले आहेत. आकडेवारीनुसार, गेल्या एका दिवसात, भारतात पहिल्यांदाच सुमारे ३ लाख रुग्ण आढळले आहेत. तसेच मृत्यूनेही आतापर्यंतचे रेकॉर्ड तोडले आहेत. अनेक राज्यांनी निर्बंध लावलेले आहेत. पंतप्रधान नरेंद्र मोदींनी काल लोकडाउन हा शेवटचा पर्याय असल्याचेही सांगितलेले आहे. त्यामुळे राज्ये आणि केंद्र कोरोनाची साखळी तोडण्यास समर्थ ठरेल का? 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com