6 जूनला मान्सून महाराष्ट्रात धडकणार!

महाराष्ट्रात 6 ते 10 जून या काळात सरींची पहिली बरसात होईल, असा अंदाज भारतीय हवामानशास्त्र विभागाने वर्तवला आहे.
Monsoon News
Monsoon NewsDainik Gomantak

मान्सूनने रविवारी केरळमध्ये धडक दिल्यानंतर मान्सूनच्या (Monsoon) पुढील प्रवासाचे अनुकूल वातावरण निर्माण होत असून, मराठी मुलखावर 6 ते 10 जून या काळात सरींची पहिली बरसात होईल, असा अंदाज भारतीय हवामानशास्त्र विभागाने (Indian Meteorological Department) वर्तवला आहे. सध्या मान्सून अरबी समुद्रातील मध्य भाग, केरळ, तामिळनाडू आणि कर्णाटकाच्या काही भागात दाखल झाला आहे. (Monsoon to hit Maharashtra on June 6)

Monsoon News
राज्य महिला आयोग अध्यक्षा रुपाली चाकणकर यांना जीवे मारण्याची धमकी

दक्षिण आणि बंगालच्या उपसागरातून मान्सून पुढे वेगाने प्रवास करत आहे. येत्या 3 ते 4 दिवसांमध्ये मान्सून केरळमध्ये उर्वरीत भाग, दक्षिण अरबी समुद्र, तामिळणाडू, कर्णाटकचा आणखी काही भाग, तसेच ईशान्यकडील राज्य वेगाने पिंजून काढत आहे. यामध्ये मान्यूनमध्ये अडथळा न येता पुढे सरकण्याचा वेग कायम राहिल्यास मान्सून महाराष्ट्रात 6 जून रोजीच हजेरी लावण्याची शक्याता आहे.

गोव्यात तुरळक सरी

गेल्या 24 तासात कोकण व गोव्यात तुरळक ठिकाणी पूर्वमोसमी पाऊस पडला आहे, तर मध्य महाराष्ट्रात, विदर्भ आणि मराठवाड्यात हवामान कोरडेच आहे. हवामान विभागाने वर्तवलेल्या अंदाजानुसार, पुढील दोन दिवसात कोकण, गोवा आणि मध्य महाराष्ट्रात तुरळक ठिकाणी सरी पडण्याची शक्यता वर्तवली जात आहे.

Monsoon News
महाराष्ट्रातील राज्यसभेच्या तीनही जागा भाजप जिंकणार; केंद्रीय मंत्री पियुष गोयल यांचा दावा

विजांचा कडकडाट ही होणार

पुढील 24 तासांत मराठवाडा आणि विदर्भात तुरळक ठिकाणी पाऊस पडण्याची शक्यता वर्तवली जात आहे. सतेच तुरळक ठिकाणी मेघगर्जनेसह विजांचा कडकडाट होण्याची शक्यता देखील वर्तवली गेली आहे. त्यानंतर 2 व 3 जून रोजी कोकण आणि गोव्यात काही ठिकाणी सरी बरसण्याची शक्यता आहे. तर मध्य महाराष्ट्रात तुरळक ठिकाणी पाऊस होईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com