Maharashtra: रायगडमध्ये आढळल्या दोन संशयास्पद बोटी, शस्त्रसाठा सापडल्याने खळबळ

Mumbai News: रायगडमध्ये एका मोठ्या कटाचा पर्दाफाश झाला आहे.
boats
boatsDainik Gomantak

Mumbai News: रायगडमध्ये एका मोठ्या कटाचा पर्दाफाश झाला आहे. पोलिसांना परिसरातून संशयास्पद बोट सापडली आहे. बोटीतून एक एके-47 रायफल, जिवंत काडतुसे आणि दारुगोळा जप्त करण्यात आला आहे. या पार्श्वभूमीवर रायगड परिसरात हाय अलर्ट जारी करण्यात आला आहे. जन्माष्टमीच्या एक दिवस अगोदर आणि गणेश चतुर्थीच्या काही दिवस आधी रायगडमध्ये संशयास्पद बोट सापडणे आणि बोटीतून मोठ्या प्रमाणात शस्त्रसाठा जप्त केल्याने अनेक प्रश्न निर्माण होत आहेत. रायगडच्या आमदार आदिती तटकरे म्हणाल्या की, 'रायगड परिसरात संशयास्पद बोट सापडणे नि:संशय चिंताजनक आहे. पोलीस आपल्या स्तरावर या प्रकरणाचा तपास करत आहेत. तपासासाठी विशेष पथक तयार करण्यात आले आहे.'

दरम्यान, रायगडचे एसपी अशोक यांनी दिलेल्या माहितीनुसार, पोलिसांना (Police) हरिहरेश्वर समुद्रकिनारी एक संशयास्पद बोट सापडली आहे. बोटीची झडती घेतली असता, त्यातून एक रायफल, जिवंत काडतुसे आणि दारुगोळा जप्त करण्यात आला. मात्र ही बोट कुठून आली आणि रायगडमध्ये (Raigad) ही बोट कोणी आणली हे अद्याप समजू शकलेले नाही. मुंबई पोलिसांनी (Mumbai Police) या सर्व प्रकरणाचा तपास सुरु केला आहे.

boats
Maharashtra: आज 11 वाजता सामुहिक राष्ट्रगीतामध्ये सहभागी व्हा, सरकारचे जनतेला आवाहन

दुसरीकडे, 31 ऑगस्ट रोजी गणेश चतुर्थी असून लाखोंच्या संख्येने लोक गणेश विसर्जनासाठी रायगडच्या या भागात पोहोचतात, असे पोलिस सूत्रांचे म्हणणे आहे. अशा स्थितीत सर्व बाबी पाहता पोलिसांनी रायगड परिसरात हाय अलर्ट जारी केला आहे.

boats
Maharashtra Accident: भरधाव टेम्पोची कारला धडक 6 जणांचा जागीच मृत्यू

तपासासाठी विशेष पथक तयार केले

ही बाब अत्यंत गंभीर असल्याची माहिती रायगडच्या आमदार आदिती तटकरे यांनी माध्यमांशी बोलताना दिली. त्यामुळे तपासासाठी विशेष पथक तयार करण्यात आले आहे. हा मुद्दा मी विधानसभेतही मांडला होता, असेही आदिती यांनी म्हटले आहे. उपमुख्यमंत्री देवेंद्र फडणवीस यांच्याकडे गृहमंत्रालयचाही कार्यभार आहे. या प्रकरणी त्यांनी आपल्या स्तरावर चौकशीचे आदेश दिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com