मुंबई करणार विक्रम! 100 टक्के लोकांना आज मिळणार लसीचा पहिला डोस

महाराष्ट्रातील (Maharashtra) कोरोना परिस्थिती काहीशी सुधारत असतानाच मुंबई आज नवा रेकॉर्ड बनवत आहे. मुंबईत लसीसाठी पात्र असलेल्या 100% लोकांना लसीचा पहिला डोस देण्यात येणार आहे.
मुंबई करणार विक्रम! 100 टक्के लोकांना आज मिळणार लसीचा पहिला डोस
VaccinationDainik Gomantak

महाराष्ट्रातील (Maharashtra) कोरोना परिस्थिती काहीशी सुधारत असतानाच मुंबई आज नवा रेकॉर्ड बनवत आहे. मुंबईत (Mumbai) लसीसाठी पात्र असलेल्या 100% लोकांना लसीचा पहिला डोस देण्यात येणार आहे. शुक्रवारी 92 लाख 35 हजार 708 जणांना लसीचा पहिला डोस मिळाला आहे. म्हणजेच, आणखी 838 डोस दिल्यानंतर, मुंबईतील 100 टक्के प्रौढ लोकसंख्येला लसीचा पहिला डोस मिळेल. विशेष म्हणजे हा विक्रम करणारी मुंबई भारतातील पहिली मेट्रो सिटी ठरणार आहे.

दरम्यान, शुक्रवारीच मुंबईतील 99.99 टक्के लोकांना लसीचा पहिला डोस देण्यात आला आहे. मुंबईची दररोज लसीचे 2 लाख डोस देण्याची क्षमता आहे. परंतु अजूनही काही भागात लसीकरण अतिशय संथ गतीने सुरु आहे. मुंबईच्या आसपासच्या शहरी भागातील लोक मुंबईत येऊन लस घेत असल्याने काही मुंबईकर लसीच्या पहिल्या डोसपासून वंचित राहिले आहेत. असे असतानाही लसीकरणाच्या मोहिमेत दिल्ली, बंगळुरु, चेन्नई या महानगरांच्या तुलनेत मुंबई पुढे आहे. सध्या स्थानिक प्रशासन दुहेरी डोस लसीकरणाकडे लक्ष देत आहे. आतापर्यंत 65 टक्के लोकांनी लसीचा दुसरा डोसही घेतला आहे.

Vaccination
राज्यात याच महिन्यात 100 टक्के लसीकरण पूर्ण करा, उद्धव ठाकरेंचे जिल्हाधिकाऱ्यांना निर्देष

भारतात, लसीकरणासाठी पात्र असलेल्या 80 टक्के लोकांना लसीचा पहिला डोस मिळाला

भारतात, लसीकरणासाठी पात्र असलेल्या 80 टक्के लोकांनी लसीचा पहिला डोस घेतला आहे. एकूण 38 टक्के लोकांना लसीचा दुसरा डोसही मिळाला आहे. केंद्रीय आरोग्य मंत्रालयाने ही माहिती दिली आहे. केंद्रीय आरोग्य मंत्रालयाचे लक्ष्य आहे की 30 नोव्हेंबरपर्यंत किमान 90 टक्के लोकांना लसीचा पहिला डोस मिळावा. केंद्रीय आरोग्य मंत्रालयाचे अतिरिक्त सचिव मनोहर अगनानी यांनी 'हर घर दस्तक' मोहिमेशी संबंधित वेबिनारमध्ये ही माहिती दिली.

देशातील 120 दशलक्ष लोक लसीच्या दुसऱ्या डोसच्या प्रतीक्षेत आहेत. केंद्रीय आरोग्य मंत्री मनसुख मांडविया यांनी गुरुवारी सर्व राज्यांच्या आरोग्य मंत्र्यांना 'हर घर दस्तक' मोहिमेदरम्यान त्यांच्या संबंधित राज्यातील प्रौढ लोकांना किमान पहिला डोस मिळावा, असे आवाहन केले. त्याचबरोबर लसीच्या दुसऱ्या डोसच्या प्रतीक्षेत असलेल्यांना दुसरा डोस देण्याची व्यवस्था करावी, असे आवाहनही त्यांनी केले. देशात असे अनेक लोक आहेत ज्यांना पहिल्या डोसनंतर निर्धारित मध्यांतर संपताच दुसरा डोस द्यायचा होता, पण तो दिला गेला नाही.

Related Stories

No stories found.
Dainik Gomantak | दैनिक गोमन्तक
www.dainikgomantak.com