Mumbai's Byculla Zoo: मुंबईतील प्राणी संग्रहालयात प्राण्यांसाठी उन्हापासून बचावासाठी खास व्यवस्था, पाहा व्हिडिओ

Mumbai's Byculla Zoo: मुंबईसह राज्यात उष्णतेच्या झळा सुरु झाल्या आहेत. तापमान 40 शीच्या वर पोहचले आहे. वाढत्या उन्हामुळे जिवाची काहिली होत आहे. या

उन्हापासून वाचण्यासाठी नागरिक छत्र्या तर शीतपेयाचा आधार घेत आहे. या उन्हाचा प्राण्यांनाही फटका बसत आहे. यामुळे प्राण्यांची काळजी घेण्यासाठी मुंबईच्या भायखळा प्राणी संग्रहालयामध्ये खास व्यवस्था करण्यात आली आहे.

या व्हिडिओमध्ये वाघ मस्त पाण्यात फिरतांना दिसत आहे. अनेक ठिकाणी पाण्याचे तळ करण्यात आले आहेत.

ब्रिटीशकाळात इंग्लंडची राणी क्वीन व्हिक्टोरिया यांच्यासाठी भायखळा येथे उद्यान आणि प्राणी संग्रहालय उभारण्यात आले होते. ही बाग 53 एकर परिसरात पसरलेली आहे. मुंबईमधील (Mumbai) सर्वात जुनी आणि मोठी बाग आहे. या बागेचे मूळचे नाव क्वीन व्हिक्टोरिया गार्डन्स होते.

नंतर या बागेचे नाव वीरमाता जिजाबाई भोसले उद्यान व प्राणी संग्रहालय असे करण्यात आले. या बागेत 286 प्रजातीची 3231 पक्ष आणि 853 वनस्पती आहेत. याशिवाय अनेक सस्तन प्राणी, पक्षी आणि कीटक यांच वास्तव्य या उद्यानात आहे. राणीबाग हे पर्यटकांचे तसेच विशेष करून व कंपनीये आवडीचे ठिकाण आहे.

या ठिकाणी रोज हजारो नागरीक भेट देत असतात. दरम्यान, उन्हामुळे येथील प्राण्यांची देखील काहिली होत आहे. त्यामुळे उद्यान व्यवस्थापनाने प्राण्यांसाठी खास व्यवस्था केली आहे.

वन्यप्राण्यांना हायड्रेत ठेवण्यासाठी विशेष काळजी घेतली जात आहे. त्यांच्या आहार योजनेत देखील बदल करण्यात आले आहे.

या संदर्भात माहिती देतांना उद्यानाच्या पशूवैद्यकीय अधिकारी डॉ कोमल राऊळ म्हणाल्या, प्राण्यांना हायड्रेट ठेवण्यासाठी त्यांच्या आहार योजनेत बदल करण्यात आले आहेत. आम्ही टरबूज, कस्तुरी यांसारखी हंगामी फळे जनावरांना देतो.

आम्ही त्यांना बर्फाचे केक देखील देतो. या सोबतच पाण्याच्या फवारे देखील लावण्यात आले आहे. तसेच शेड देखील उभारण्यात आले आहेत. या द्वारे प्राण्यांचा उन्हापासून बचाव करण्यात येत आहेत.