वर्ध्यात जादूटोण्याच्या अघोरी प्रकारातून गळा आवळला; एक ठार

मुलाला उपचारासाठी नेले असता संगनमताने आवळला गळा
वर्ध्यात जादूटोण्याच्या अघोरी प्रकारातून गळा आवळला; एक ठार
SorceryDainik Gomantak

जादूटोणा आणि अंधश्रद्धेपोटी राज्यात अनेक व्यक्तींचा बळी गेल्याच्या घटना यापूर्वीच कित्येकदा समोर आल्या आहेत. याच पार्श्वभूमीवर आणखी एक अघोरी प्रकार घडल्याची बाब समोर आली आहे. हा प्रकार वर्धा जिल्ह्यात घडला असून, मुलाला तांत्रिक विद्येने बरे करता यावे यासाठी नेले असता तीघांनी गळा आवळून खून झाला आहे.

मिळालेल्या माहितीनुसार १८ मे रोजी गणेश सोनकुसरे (रा. बेलपुरा, अमरावती) यांनी त्यांच्या मोठ्या मुलाला उपचारासाठी वरील तीन आरोपीकडे नेले होते. त्यांनी तांत्रिक उपचार केले. शेवटी संगनमत करीत गळा आवळून ठार केले. याबाबत पोलिसांना माहिती न देता मृतदेह फिर्यादीच्या हवाली केला. त्याची तक्रार कोतवाली अमरावती पोलीस ठाण्यात १९ मे रोजी रात्री दाखल झाली. त्यानुसार आर्वी पोलिसांनी कारवाई केली आहे.

Sorcery
डिझेल टँकर अन् ट्रकचा भीषण अपघात! 9 जणांचा जागीच मृत्यू

या प्रकरणी पोलिसांनी आरोपींना ताब्यात घेतले आहे. अब्दुल रहीम अब्दुल मजीद, अब्दुल जुनाईद, अब्दुल जमीर अब्दुल रहीम अशी या प्रकरणातील आरोपींची नावं आहेत. त्यांच्या विरोधात महाराष्ट्र नरबळी व इतर अमानुष अनिष्ट, अघोरी प्रथा व जादूटोणा प्रतिबंधक अधिनियम अंतर्गत गुन्हा दाखल करण्यात आला आहे.

Sorcery
MPSC परीक्षेत बनावट उमेदवार; आणखी पाच जणांना अटक

याबाबत अखील भारतीय अंनिसचे राज्य संघटक पंकज वंजारे म्हणाले, “या घटनेतील बाबा, मांत्रिकांची सखोल चौकशी करणे आवश्यक आहे. चौकशीत आणखी धक्कादायक माहिती पुढे येऊ शकते. यात अंनिसचे संपूर्ण सहकार्य असेल. भविष्यातील अंधश्रध्दांचे बळी थांबतील.”

आर्वी उपविभागीय पोलीस अधिकारी सुनील सोळुंके म्हणाले, “तिन्ही आरोपींना न्यायालयात हजर करण्यासाठी नेण्यात आले आहे. पीएम रिपोर्टमध्ये गळा आवळल्याच्या खुणा दिसून येत आहेत. हे गंभीर प्रकरण असून कसोशीने चौकशी होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com