दुर्मिळ घटना! दारू पिऊन घेतल्या व्हायग्राच्या गोळ्या, नागपुरातील 41 वर्षीय व्यक्तीचा मृत्यू

जर्नल ऑफ फॉरेन्सिक अँड लीगल मेडिसिनमध्ये याबाबत माहिती प्रकाशित करण्यात आली आहे.
दुर्मिळ घटना! दारू पिऊन घेतल्या व्हायग्राच्या गोळ्या, नागपुरातील 41 वर्षीय व्यक्तीचा मृत्यू

एका दुर्मिळ आणि वेगळी घटना समोर आली आहे. दारू पिऊन दोन व्हायग्राच्या गोळ्या घेतल्याने नागपुरातील एका 41 वर्षीय व्यक्तीचा मृत्यू झाला आहे. अशी बातमी news.au.com ने दिली आहे. जर्नल ऑफ फॉरेन्सिक अँड लीगल मेडिसिनमध्ये प्रकाशित झालेल्या एका अभ्यासाचा हवाला देत ही बातमी प्रसिद्ध करण्यात आली आहे.

केस स्टडीमध्ये प्रकाशित केलेल्या माहितीनुसार, नागपुरातील 41 वर्षीय व्यक्ती हॉटेलमध्ये मैत्रिणीला भेटण्यासाठी गेला होता. यावेळी त्याने व्हायग्राच्या सिल्डेनाफिल नावाच्या दोन (50mg) गोळ्या घेतल्या. या व्यक्तीने गोळ्या घेण्यापूर्वी दारूचे सेवन केल्याचे वैद्यकीय अहवालातून समोर आले आहे.

दुसऱ्या दिवशी सकाळी या व्यक्तीला अस्वस्थता जाणवू लागली. त्याला उलट्याही होत होत्या. सोबत असणाऱ्या महिलेने त्याला रूग्णालयात जात असताना त्याने वैद्यकीय सल्ला घेण्यास नकार दिला. यापूर्वी देखील आपल्याला असा त्रास झाल्याचे त्याने तिला सांगितले.

दुर्मिळ घटना! दारू पिऊन घेतल्या व्हायग्राच्या गोळ्या, नागपुरातील 41 वर्षीय व्यक्तीचा मृत्यू
Maharashtra: नगरच्या उद्विग्न शेतकऱ्यांनी थेट पंतप्रधान मोदींना पोस्टाद्वारे पाठवले 'कांदे'

दरम्यान, त्याची प्रकृती जास्तच बिघडायला लागल्यानंतर त्याला तातडीने रुग्णालयात दाखल करण्यात आले. मात्र, उपचारापूर्वीच त्याचा मृत्यू झाला. अभ्यासानुसार, सेरेब्रोव्हस्कुलर हॅमरेजमुळे त्या माणसाचा मृत्यू झाला असे सांगितले जात आहे. यामध्ये मेंदूला ऑक्सिजन पुरवठा कमी होतो.

विशेष म्हणजे या व्यक्तीचा पूर्वीचा वैद्यकीय किंवा शस्त्रक्रियेचा कोणताही इतिहास नाही. मैत्रिणीसोबत तो हॉटेलच्या एका खोलीत राहत होता; त्याने रात्री सिल्डेनाफिलच्या 2 गोळ्या (प्रत्येकी 50 मिग्रॅ) आणि दारूचे सेवन केले होते.

शवविच्छेदन अहवालात डॉक्टरांना त्याचे 300 ग्रॅम रक्त गोठलेले आढळले. दारू आणि औषधांचे मिश्रण तसेच उच्च रक्तदाबामुळे त्याचा मृत्यू झाला असे अहवालात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com