Narendra Modi Threatened: PM मोदींना जीवे मारण्याची धमकी, वरळी पोलिस ठाण्यात गुन्हा दाखल

Narendra Modi Threat Call: मुंबई वाहतूक पोलिसांना पंतप्रधान नरेंद्र मोदी यांना जीवे मारण्याची धमकी मिळाली आहे. मुंबई वाहतूक पोलिसांना पीएम मोदींबाबत धमकीचा फोन आला होता, त्यानंतर खळबळ उडाली. कॉलशिवाय मुंबई वाहतूक पोलिसांना धमकीचा मेसेजही आला. पीएम मोदींबाबत धमकीचा फोन आल्यानंतर मुंबईच्या वरळी पोलिस ठाण्यात लेखी तक्रार दाखल करण्यात आली आहे. पोलीस या प्रकरणाचा तपास करत आहेत. याशिवाय सायबर टीमलाही अलर्ट करण्यात आले आहे.

दरम्यान, हा कॉल जिथून आला होता त्याचा मोबाईल नंबर आणि यूजर आयडी पोलिसांनी (Police) ट्रॅक करण्यास सुरुवात केली आहे. पोलिस दल अलर्ट मोडवर असून धमकी देणाऱ्या व्यक्तीचा शोध घेत आहे. जो कोणी दोषी असेल त्याला लवकरच पकडले जाईल, असे पोलीस अधिकाऱ्यांनी सांगितले.

दुसरीकडे, मुंबई (Mumbai) वाहतूक पोलिसांना आलेला हा धमकीचा कॉल 'डी कंपनी'चा असावा, अशी भीती व्यक्त केली जात आहे. पोलीस या प्रकरणाचा तपास करत आहेत. त्यांच्याकडे ऑडिओ क्लिपही मिळाल्याचे पोलिस अधिकाऱ्यांनी सांगितले आहे.

विशेष म्हणजे, मुंबई वाहतूक पोलिसांना पीएम मोदींबाबत धमकी मिळताच त्याची माहिती मुंबईतील वरळी पोलीस स्टेशनला देण्यात आली. यानंतर वरळी पोलिस ठाण्यात गुन्हा दाखल करुन तपास सुरु केला. याप्रकरणी सायबर सेलचीही मदत घेण्यात आली आहे.

वृत्तानुसार, पीएम मोदींबाबत वाहतूक पोलिसांना धमकी मिळाल्यानंतर मुंबई क्राइम ब्रँचला अलर्ट करण्यात आले आहे. यामागे कोण आहे, याचा शोध घेण्याचा प्रयत्न सुरु आहे.