महाराष्ट्रात गडकरींचं उड्डाण! वाहतूक कोंडीला तोंड देणार फ्लाईंग बस

केंद्रीय परिवहन मंत्री नितीन गडकरी यांनी महाराष्ट्रातील सर्व प्रमुख शहरांमधील वाढत्या वाहतूककोंडीच्या समस्येला तोंड देण्यासाठी आखली उड्डाण योजना
Nitin Gadkari Minister of Road Transport & Highways
Nitin Gadkari Minister of Road Transport & HighwaysTwitter

केंद्रीय परिवहन मंत्री नितीन गडकरी यांनी केवळ पुणेच नव्हे तर महाराष्ट्रातील सर्व प्रमुख शहरांमधील वाढत्या वाहतूककोंडीच्या समस्येला तोंड देण्यासाठी एक उत्तम कल्पना सांगितली आहे. पुण्यात उडत्या बस किंवा ट्रॉली बसची योजना प्रत्यक्षात आणली तर पुणेकरांची वाहतूककोंडीच्या समस्येतून सुटका होईल. केंद्रीय मंत्री नितीन गडकरी यांनी आज पुण्यात ही माहिती दिली. पुण्यातील चांदणी चौकातील वाहतूक समस्येबाबत त्यांनी आज पत्रकार परिषद घेतली. पुण्यातील वाहतूक समस्येवर उपाय सांगताना त्यांनी उडत्या बस योजनेचा उल्लेख केला.

पुण्याहून साताऱ्याकडे जाणाऱ्या रस्त्यावरील वाहतूक कोंडी कमी करण्यासाठी चार मजली रस्त्याची योजना आणण्याबाबत त्यांनी सांगितले. ते म्हणाले, 'सातारा रोडवर एलिव्हेटेड रस्ता तयार करण्याची योजना आहे. म्हणजेच खाली एक रस्ता असेल आणि त्याच्या वर दोन उड्डाणपूल असतील आणि त्याच्या वरती मेट्रोसारखी मास रॅपिड ट्रान्सपोर्टची व्यवस्था असेल. त्यासाठी मी प्रकल्प तयार करण्याच्या सूचना दिल्या आहेत.

Nitin Gadkari Minister of Road Transport & Highways
Maharashtraच्या राजकारणात नवा ट्विस्ट, मुख्यमंत्र्यांनी घेतली मिलिंद नार्वेकरांची भेट

दरम्यान, नितीन गडकरी यांनी पुणे-बेंगळुरू ग्रीनफिल्ड महामार्गाबाबतही माहिती देताना सांगितले की, "पुणे-बेंगळुरू ग्रीनफिल्ड महामार्गाचा फायदा असा होईल की, मुंबईहून बंगळुरूकडे जाणाऱ्या गाड्या पुण्यात प्रवेश करण्याऐवजी बाहेरच्या मार्गाने जातील. त्यामुळे मुंबई ते बंगळुरू साडेचार तासात आणि पुण्याहून बंगळुरू साडेतीन तासात पोहोचता येणार आहे. हा रस्ता पश्चिम महाराष्ट्रातील दुष्काळग्रस्त भागातून जाणार असून, त्या भागांच्या विकासाचा मार्गही खुला होणार आहे.

Nitin Gadkari Minister of Road Transport & Highways
Maharashtra SSC, HSC Supplementary Results 2022: महाराष्ट्र 10, 12 वी पुरवणी परीक्षेचा आज निकाल

गडकरी म्हणाले, 'आम्ही 165 रोपवे केबल कार बनवत आहोत. आमच्याकडे एअर बसेस आहेत. त्यात वरच्या मजल्यावर 150 लोक बसू शकतात. अशा प्रकारे वरून वाहतूक सुरू झाल्यास वाहतूक कोंडी टळेल. ट्रॉली बसचाही पर्याय आहे. यामध्ये दोन बसेस जोडल्या गेल्या आहेत ज्या इलेक्ट्रिक केबलवर चालतात. इलेक्ट्रिक बसची किंमत सव्वा करोड आहे. क्षमतेच्या ट्रॉली बसबद्दल बोलायचे झाले तर तिची किंमत 60 लाख रुपये आहे. पुणे महापालिकेने तशी तयारी दाखवली तर पैशाची गरज भागवू शकतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com