मनसेसह हिंदू दलाच्या कार्यकर्त्यांना तात्काळ मुंबई सोडण्याचे आदेश

राज्यात कायदा व सुव्यस्थेचा प्रश्न निर्माण होऊ नये म्हणून पोलीसांनी घेतली खबरदारी
मनसेसह हिंदू दलाच्या कार्यकर्त्यांना तात्काळ मुंबई सोडण्याचे आदेश
Mumbai PoliceDainik Gomantak

मुंबई : राज ठाकरे यांनी औरंगाबाद येथे घेतलेल्या सभेत पुन्हा भोंगा आणि हनुमान चीलीसा मुद्यावरुन पुन्हा एकदा राज्य सरकारला सुनावलं असून राज्यसरकारने याबाबत ताडीने निर्णय घ्यावा अन्यथा समाजात तेढ निर्माण होईल. असं ते म्हणाले होते. या पार्श्वभूमीवर पोलिसांनी प्रतिबंधात्मक कारवाई सुरु केली असून पोलिसांनी मनसेसह बजरंग दल, विश्व हिंदू परीषद आणि हिंदू दलाच्या कार्यकर्त्यांना नोटीस पाठवत कलम 144 लागू केले आहे.

Mumbai Police
दुसऱ्याच्या खांद्यावर बंदुक ठेवून भाजपाचा उद्रेकाचा प्रयत्न – नाना पटोले

पोलिसांनी नोटीस देत या सर्वांना 2 मे ते 17 मे या काळात मुंबई सोडण्याचे आदेश जारी केले गेले आहेत. भोंगा प्रकरणी मुंबई पोलिसांनी मोठी कारवाई करत संबधित कार्यकर्त्यांना मुंबईत वावरण्यात किंवा थांबण्यास प्रतिबंध करण्यात आला आहे. मुंबई घाटकोपर ठाण्याच्या हद्दीत ३ मे रोजी साजरी होणाऱ्या ईद सणाच्या काळात आपण मुंबई हद्दीत वावरु नये. कारण आपण मुंबईतील कायदा सुव्यवस्था बिघडवू शकता, असा आदेश यात देण्यात आला आहे.

Mumbai Police
राज ठाकरेंवर आजच कारवाई होणार - पोलीस महासंचालक

मनसेच्या पदाधिकाऱ्यांनी महाआरती आणि हनुमान चालीसा पठणाची तयारी सुरु केली आहे. नोटीस पाठवल्यानंतरही कार्यकर्ते हनुमान चालीसा पठणाबाबत ठाम असल्याचं पदाधिकाऱ्यांनी सांगितलं आहे. राज्यभरातील मशिदींवरील भोंग्यांविरोधात मनसे अध्यक्ष राज ठाकरे यांनी आक्रमक भूमिका घेतली आहे.

3 मे पर्यंत भोंगे उतवरले नाहीत तर मशिदींसमोर मोठ्या आवाजात हनुमान चालीसा लावण्यात येईल, अशी भूमिका घेतली आहे. तसंच काही दिवसांपूर्वी 3 मे रोजी राज्यात महाआरतीचं आयोजन करण्याची सूचनाही राज ठाकरेंनी पदाधिकाऱ्यांना केली. या सर्व हालचालींची दखल घेत पोलीसांनी संवेदनशील विषयामूळे राज्यातील कायदा व सुव्यस्थेचा प्रश्न निर्माण होऊ नये म्हणून पोलीसांनी अधिकची खबरदारी म्हणून ही काळजी घेतली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.