आता बर्ड फ्लू ची भिती घालवण्यासाठी लढवली अनोखी शक्कल

 रायगड : राज्यात  बर्ड  फ्लू  च्या  भितीने  खवय्यांनी  चिकन  खाण्याचे  सोडून  दिले असताना  चिकन  व्यवस्थीत  शिजवून  खाल्ल्यास  कोणत्याही  प्रकारचा  धोका नसल्याचे  सांगण्यात  येत  आहे. नागरिकांच्या  मनातील  बर्ड  फ्लू  विषयी असणारी  भिती  घालवण्यासाठी  रायगड  मधील  पेणमध्ये  शेतकरी  योध्दा  या कुक्कुटपालन  सहकारी  संस्थेच्या  वतीने  पेण  नगरपरिषद  मैदानावरती  चक्क चिकन  मोहत्सवाचे  आयोजन करण्यात  आले  आहे.

सायंकाळी  7  ते  9  या कालावधीत  पार  पडणाऱ्या  चिकन  मोहत्सवात  चिकन  लेगपीस, चिकन लॉलीपॉप, चिकन  बिर्याणी, आणि  अंड्याच्या  पदार्थांचा  समावोश  असणार आहे. दरम्यान  महोत्सवामध्ये  कोरोनाचे  निर्बंध  पाळण्यात  येत  आहेत. या महोत्सवातील  निमंत्रित  पाहुण्यांना  बॉयलर  कोंबडीचे  पदार्थ  मोफत  देण्यात येणार  आहेत.

चिकनचे  पदार्थ  खाल्ल्यानंतर  लोकांच्या  मनातील  बर्ड फ्लू  विषयी  असणारी  भिती  घालवण्यासाठी  आणि  चिकनच्या  व्यवसायाला तेजी  मिळवून  देण्यासाठी  या  मोहत्सवाचे  आयोजन  करण्यात  आल्याचे शेतकरी  योध्दा  कुक्कूटपालन  सहकारी  संस्थेच्या  अनिल  खामकर  यांनी सांगितले  आहे..