टोलवरून वाद, कॅब चालकाने आमदाराला धमकावत मधेच उतरवले

Ola cab driver was arrested for allegedly abusing and threatening NCP MLA Raju Karemore from the cab during the journey:

एका ३८ वर्षीय ओला कॅब ड्रायव्हरला, राष्ट्रवादी काँग्रेसचे आमदार राजू कारेमोरे यांना प्रवासादरम्यान शिवीगाळ आणि धमकी देत कॅबमधून बाहेर काढल्याबद्दल अटक करण्यात आली.

भंडारा जिल्ह्यातील तुमसर विधानसभा मतदारसंघातील आमदारा कारेमोरे यांच्या तक्रारीवरून आरोपी इरफान अलीला त्याच्या मानखुर्द येथील घरातून ताब्यात घेण्यात आले.

कारेमोरे यांनी मुंबई आंतरराष्ट्रीय विमानतळावरून आकाशवाणी आमदार निवास येथे जाण्यासाठी कॅब बुक केली होती. यावेळी टोलवरुन आमदार कारेमोर आणि कॅब चालकामध्ये बाचाबाची झाली.

“वांद्रे-वरळी सी लिंकवर टोल भरण्यावरून त्यांच्यात वाद वाढल्यानंतर कॅबी चालकाने कारेमोरे यांना धमकी दिली. सकाळी 8.45 च्या सुमारास वाकोला जंक्शनवर पोहोचल्यावर धमकी देत कारेमोरे यांना कॅबमधून खाली उतरण्यास भाग पाडले,” असे पोलिसांनी सांगितले.

सी लिंक टोल प्लाझावर आमदार कारेमोरे आणि कॅब चालकामध्ये बाचाबाची झाली. आमदार कारेमोर चालकाला म्हणाले की, "मी आमदार आहे त्यामुळे मला टोल भरावा लागत नाही. मी सांगतो त्या रस्त्याने चल."

"पण मी सांगतोय त्या रस्त्याने गेल्यास टोल भरावा लागेल यामुळे हेकेखोर चालकाने माझ्याशी वाद घालायला सुरुवात केली. तसेत मला धमकावत वाकोला जंक्शनवर कॅबमधून बाहेर काढले. यानंतर मी ओलाकडे तक्रार केली आणि नंतर दुसरी कॅब बुक केली,” असे कारेमोरे यांनी सांगितले.