Mumbai Crime News: चॉकलेट देण्याच्या बहाण्याने 6 वर्षीय मुलीवर लैंगिक अत्याचार

Mumbai Crime News: आरोपीने तो घरी एकटा असताना पीडितेला चॉकलेट देण्याच्या बहाण्याने घरी बोलावले.
Mumbai Crime News: चॉकलेट देण्याच्या बहाण्याने 6 वर्षीय मुलीवर लैंगिक अत्याचार
Mumbai |Dainik Gomantak

मुंबईमध्ये चॉकलेट देण्याच्या बहाण्याने शेजारी राहणाऱ्या 6 वर्षीय मुलीवर लैंगिक अत्याचार केल्याचा धक्कादायक प्रकार घडला आहे. मुंबईमधील आग्रीपाडा पोलिसांनी एका 70 वर्षीय वृद्धाला अटक केली आहे, दरम्यान आरोपी हा निवृत्त राज्य सरकारी कर्मचारी असल्याचे माहिती मिळाली आहे. (Mumbai Crime News)

* चॉकलेट देण्याच्या बहाण्याने घरी बोलावले

पोलिसांनी दिलेल्या माहितीनुसार, आरोपी आणि पीडित तरुणी भायखळा येथील एकाच परिसरात राहतात. आरोपी पत्नी, मुलगा आणि मुलाच्या कुटुंबासह येथे राहतो. आरोपीने काही दिवसांपूर्वी पीडितेचा विनयभंग केला होता, तो घरी एकटा असताना पीडितेला चॉकलेट देण्याच्या बहाण्याने घरी बोलावले. ही घटना 6 मे रोजी उघडकीस आली, जेव्हा आरोपीने तिला घरी एकटी असताना पुन्हा फोन करायला सुरुवात केली.

Mumbai |
मुंबईत रेल्वे प्लॅटफॉर्म तिकीट दरात वाढ

पोलिस अधिकाऱ्याने सांगितले, पीडिता रडू लागली. तिच्या आईने कारण विचारले असता तिने सांगितले, काही दिवसांपूर्वी आरोपीने तिला आपल्या घरी बोलावले आणि तिला अयोग्यरित्या स्पर्श केला. आरोपीने तिला चॉकलेट्सही दिली आणि कोणालाही न सांगण्याची धमकी दिली. पीडितेने पुढे सांगितले की, आरोपी तिला पुन्हा आपल्या घरी बोलवत आहे. त्यानंतर कुटुंबाने आग्रीपाडा पोलिसांशी संपर्क साधला आणि त्याच्याविरुद्ध गुन्हा दाखल केला, असे आग्रीपाडा पोलिस स्टेशनचे वरिष्ठ निरीक्षक योगेंद्र पाचे यांनी माहिती दिली आहे.

* POCSO अंतर्गत गुन्हा दाखल

पोलिसांनी आईचे जबाब नोंदवले तसेच पीडितेचीही पडताळणी केली आणि 376 (बलात्कार) आणि लैंगिक गुन्ह्यांपासून बालकांचे संरक्षण कायदा (POCSO) अंतर्गत गुन्हा दाखल केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.