पंतप्रधान मोदींच्या हस्ते होणार तुकाराम महाराजांच्या शिळामंदिराचे लोकार्पण

देहू परिसरात लोकार्पण सोहळ्याची तयारी अंतिम टप्प्यात
Dehu Temple
Dehu TempleDainik Gomantak

जगद्गुरु संत शिरोमणी श्री तुकाराम महाराज यांना भागवत धर्माचा कळस होण्याचे भाग्य लाभले आहे.या श्री संत तुकाराम महाराज यांच्या शिळामंदिराचे लोकार्पण करण्यासाठी पंतप्रधान नरेंद्र मोदी क्षेत्र देहू येथे येत्या 14 जूनला येणार आहेत. त्या निमित्ताने मंदिरात आणि देहू परिसरात जय्यत तयारी सुरू आहे. ( Prime Minister Modi will inaugurate the Tukaram Maharaj Temple )

20 जूनला तुकोबांच्या पालखीचे पंढरपूरकडे प्रस्थान होणार असून त्यापूर्वी पंतप्रधान देहू येथे येणार आहेत. त्यामूळे लोकार्पण सोहळ्याची तयारी वेगाने सुरु आहे. देहूतील मुख्य मंदिरामध्ये दगडात कोरीव काम करून साकारण्यात आलेल्या या शिळामंदिराची पायाभरणी प्रतिभाताई पाटील राष्ट्रपती असताना झाली होती. त्याचे लोकार्पण पंतप्रधानांच्या हस्ते व्हावे, असा संस्थानचा आग्रह होता. त्यादृष्टीने 29 मार्च 2022 रोजी पंतप्रधानांना निमंत्रण देण्यासाठी संस्थानचे विश्वस्त मंडळ दिल्लीत गेले होते. त्यानुसार या कार्यक्रमासाठी 14 जूनची तारीख निश्चित करण्यात आली होती.

Dehu Temple
त्यांना पहाटेची पापकृत्य करण्याची फार सवय - संजय राऊत

कार्यक्रमाचा दिवस अगदी दोन ते तीन दिवसांवर आल्याने देवस्थानकडून त्याची मोठ्या जोमाने तयारी सुरू आहे. मुख्य मंदिरातील काही कामे पूर्ण करण्यात येत असून, त्याची सजावटही करण्यात येत आहे. त्याचप्रमाणे कार्यक्रमाच्या ठिकाणी मोठा सभामंडपही उभारण्यात आला आहे. पोलिसांसह जिल्हा प्रशासनही या कार्यक्रमासाठी सज्ज झाले आहे. त्यामूळे देहू संस्थानाची इच्छा आता पुर्ण होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com