मुंब्रा भागात व्यापाऱ्याच्या घरावर छापा; 10 पोलीस निलंबित

तीन पोलीस अधिकाऱ्यांसह सात अन्य पोलिसांचा समावेश
मुंब्रा भागात व्यापाऱ्याच्या घरावर छापा; 10 पोलीस निलंबित
police SuspendeDainik Gomantak

ठाणे जिल्ह्यातील मुंब्रा पोलिसांनी एका खेळणी व्यापाऱ्याच्या घरी छापा टाकत 6 कोटी रुपये लुटल्याची धक्कादायक घटना समोर आली आहे. या प्रकरणाबाबत गृहमंत्रालयाला पत्र लिहिल्यानंतर ही बाब समोर आली आहे. ( Raid on merchant's house in Mumbra area; 10 police suspended )

police Suspende
स्वराज्य नावाची संघटना स्थापन करणार - संभाजीराजे छत्रपती

या कारवाईत एकाच पोलीस स्टेशनचे 10 पोलीस निलंबित झाल्याने मुंब्रा पोलीस ठाणं रिकामं झाल्याचं पाहायला मिळालं आहे. ठाणे पोलीस दलामध्ये ही मोठी खळबळ उडाली आहे. 12 एप्रिल रोजी रात्री बाराच्या सुमारास मुंब्रा पोलिसांनी त्यांच्या घरी छापा टाकल्यानंतर व्यापाऱ्याच्या घरात 30 कोटींची रोकड आढळली. प्रत्येक बॉक्समध्ये एक कोटी प्रमाणे पोलिसांनी सर्व बॉक्स मुंब्रा पोलीस ठाण्यात आणले.

police Suspende
मुंबईतील Jio कन्व्हेन्शन सेंटर येथे बसवण्यात आली जगातील सर्वात मोठी लिफ्ट

पोलिसांनी खेळणे व्यापारी फैजल मेमन यांना दमदाटी करून 30 कोटीं पैकी 6 कोटी रुपये उकळले, असा आरोप गृहमंत्र्यांना पाठवलेल्या पत्रात करण्यात आला आहे. मिळालेल्या माहितीनुसार पोलीस निरीक्षक गीताराम शेवाळे, रवी मदने, हर्षल काळे आणि पोलीस नाईक पंकज गायकर, जगदीश गावित, दिलीप किरपण, प्रवीण कुंभार, अंकुश वैद, ललित महाजन आणि नीलेश साळुंखे अशी निलंबित करण्यात आलेल्या पोलिसांची नावं आहेत.

निलंबित करण्यात आलेल्या पोलिसांची विभागीय चौकशी करण्याचे आदेश दिले आहेत.हे प्रकरण थेट राज्याचे गृहमंत्री दिलीप वळसे पाटील यांच्याकडे गेल्याने वरिष्ठ पोलीस अधिकाऱ्यांनी तातडीने चौकशीचे आदेश दिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.