पुण्यात मुसळधार पावसाने (Heavy Rain In Pune) धुमाकूळ घातला आहे. पुण्यातील अनेक भागात मुसळधार पावसामुळे रस्त्यावर पाणी साचले असून, अनेकांच्या घरात पाणी शिरले आहे. अचानक आलेल्या मुसळधार पावसामुळे नागरिकांची चांगलीच तारांबळ उडाली. मुसळधार पावसामुळे रस्त्यांवरून पाण्याचे लोंढे वाहत आहेत. रस्त्यांवर पाणी साचल्याने अनेक ठिकाणी वाहतूककोंडी झाली आहे.
धनकवडी (Dhankawadi) भागातील चव्हाण सोसायटीमधील पन्नास वर्षे जुने वडाचे झाड कोसळले असून यात कोणालाही दुखापत झालेली नाही. मात्र, सोसायटीत राहणारे अनिल पावसकर आणि त्यांचे कुटुंबीय त्यांच्या दारातच हे भले मोठे झाठ कोसळल्याने ते घराबाहेर येऊ शकत नाहीत. अग्निशमन दलाने झाड हटवण्याचे प्रयत्न सुरु केले आहेत. कोथरूडमध्ये (Kothrud) देखील काही घरांमध्ये पावसाचं पाणी शिरलं आहे.
मुसळधार पावसामुळे शहरात अनेक ठिकाणी पाणी साचलं आहे. वेदभवन, कोथरुड, वनाज जवळ कचरा डेपो, लमाण तांडा, पाषाण, सोमेश्वर वाडी, वानवडी, शितल पेट्रोल पंप, बी. टी. ईवडे रोड,कात्रज उद्यान या परिसरासह अनेक महत्वाच्या रस्त्यांवर पाणी साचलंय. शिवाय शहरात सहा ठिकाणी झाड पडल्याच्या घटना घडल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
