Rajinikanth Latest News: टॉलिवूडचे प्रसिद्ध अभिनेते रजनीकांत यांनी महाराष्ट्राचे माजी मुख्यमंत्री आणि नेते उद्धव ठाकरे आणि त्यांच्या कुटुंबीयांची मुंबईतील मातोश्री निवासस्थानी भेट घेतली.
रजनीकांत शुक्रवारी मुंबईत आले होते. उद्धव ठाकरे यांचे चिरंजीव आदित्य ठाकरे यांनी सोशल मिडियावर रजनीकांत यांच्यासोबतचे फोटो शेअर केले आहेत. फोटो शेअर करताना त्यांनी कॅप्शनमध्ये लिहिले की, 'मातोश्रीवर पुन्हा एकदा रजनीकांतजींना भेटून खूप आनंद झाला.'
या फोटोंमध्ये (Photo) उद्धव ठाकरेंसोबतच त्यांची पत्नी रश्मी ठाकरे, त्यांची दोन्ही मुलं आदित्य आणि तेजसही दिसत आहेत. यावेळी रजनीकांत यांना एक पुष्पगुच्छही देण्यात आला होता.
या फोटोमध्ये मागे शिवसेनेचे सुप्रिमो बाळासाहेब ठाकरे यांचा फोटोही दिसत आहे. मीडिया रिपोर्टनुसार ही राजकीय बैठक नव्हती. रजनीकांत यांचे मुंबईत येणे झाल्याने त्यांनी ही भेट घेतल्याचे म्हटले जात आहे.
रजनीकांत आणि ठाकरे कुटुंबीयांचे संबंध खूप चांगले आहे असे बोलले जाते. जेव्हा रजनीकांत काही कामानिमित्ताने मुंबईत (Mumbai) येतात, तेव्हा ते मातोश्रीवर जातात आणि ठाकरे कुटुंबाची भेट घेतात.
अभिनेते रजनीकांत हे बाळासाहेब ठाकरे यांच्या व्यंगचित्रांचे मोठे चाहते आहेत, असेही म्हटले जाते. आदित्य ठाकरेंच्या या पोस्टवर अनेक चाहत्यांनी प्रतिक्रिया दिल्या आहेत. एकाने लिहिले की, ‘मातोश्रीची ताकद’. तर, आणखी एकाने लिहिले की, 'सुपर-डुपर.' दुसऱ्या एकाने 'मातोश्रीवर थलायवा' असे लिहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
