त्यांना पहाटेची पापकृत्य करण्याची फार सवय - संजय राऊत

ईडी, सीबीआय प्रमाणे निवडणूक यंत्रणा वापरल्या जातात ?
त्यांना पहाटेची पापकृत्य करण्याची फार सवय - संजय राऊत
Sanjay RautDainik Gomantak

महाराष्ट्रातील राजकारण राज्यसभा निवडणुकीच्या निमित्ताने आरोप - प्रत्यारोपाच्या फैरींनी पार ढवळून निघाले आहे. निवडणुकीपुर्वी आपला उमेदवार निवडूण येणार म्हणत विजयाच्या आरोळ्या ठोकणारे नेते आता जय - पराजयाच्या घडामोडींनी एकमेकांवर राळ फेकण्यात व्यस्त आहेत. याबाबत प्रतिक्रिया देताना शिवसेना खासदार संजय राऊत यांनी त्यांना पहाटेची पापकृत्य करण्याची फार सवय आहे. अशा शब्दात भाजपला टोला लगावला आहे. (Rajya Sabha elections: Shiv Sena leader Sanjay Raut criticizes BJP)

Sanjay Raut
Rajya Sabha Elections 2022: 4 राज्ये 16 जागा! भाजपचा डाव अन् मविआची लढत

राज्यसभा निवडणुकीत महाविकास आघाडीकडच्या काही अपक्षांची मतं फुटल्याने शिवसेनेचे संजय पवार यांना पराभवाचा सामना करावा लागला. त्याचवेळी भाजपाचे उमेदवार धनंजय महाडिक यांचा विजय झाला आहे. या पार्श्वभूमीवर शिवसेना खासदार संजय राऊत यांनी माध्यमांशी बोलताना भाजपावर जोरदार हल्ला चढवला आहे.

Sanjay Raut
राज्यसभा निवडणुकीत भाजपने शिवसेनेचा केला गेम; संजय पवार पराभूत

मतदान प्रक्रियेवर आक्षेप घेताना संजय राऊत म्हणाले की, मतदानावेळी धार्मिक प्रदर्शन करायचं नसतं हे माहिती असूनही अमरावतीचे एक शहाणे जे उद्योग करत होते, ते आक्षेपार्ह होतं. त्यांचंही मत घटनेनुसार बाद व्हायला हवं. पण फक्त आमचं मत बाद करून रात्री उशीरा आणि पहाटे काही गोष्टी करण्यात आल्या. यांना पापकृत्य करण्याची पहाटेची फार सवय आहे. पहाटेपर्यंत त्यांचा हा उपक्रम सुरू होता. त्या उपक्रमाला आमच्या शुभेच्छा आहेत. महाराष्ट्राचा एकदा कायमचा घोडेबाजार करून टाका”, असं राऊत यावेळी म्हणाले.

केंद्रीय यंत्रणा सत्ताधारी पक्षाच्या दबावाखाली कसं काम करतायत ? हे आम्ही डोळ्यांनी पाहात होतो. कुठे ईडी, कुठे सीबीआय, कुठे अशा प्रकारे निवडणूक यंत्रणा वापरल्या जातात का ? अशी शंका येते. आमचा एक उमेदवार विजयी होऊ शकला नाही. पण याचा अर्थ समोरच्यांनी दैदिप्यमान विजय मिळवला असा नाही”, असं राऊत म्हणाले. यावेळी राऊत यांनी दगा दिलेल्यांना बघुन घेण्याची भाषा केली आहे. याबाबत बोलताना ते म्हणाले की, ज्या कुणी शब्द देऊन दगाबाजी केली, त्यांची नावं आमच्याकडे आहेत. आम्हाला माहितीये कुणी आम्हाला मतं दिलेली नाहीत. ठीक आहे. पाहुयात. असे ते यावेळी म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com