Sanjay Raut Arrested: 'आईने मारली घट्ट मिठी': संजय राउतांचा भावूक व्हिडीओ

Sanjay Raut Emotional Video: शिवसेना खासदार संजय राऊत यांनी ईडीच्या कोठडीपूर्वी आईला मिठी मारली असुन त्याचा एक भावनिक व्हिडिओ समोर आला आहे.
Sanjay Raut Arrested
Sanjay Raut ArrestedTwitter

महाराष्ट्रातील पत्रा जमीन घोटाळ्याप्रकरणी ईडीने अटक केलेले शिवसेना खासदार संजय राऊत (Sanjay Raut) यांचा भावनिक व्हिडिओ समोर आला आहे. ईडीचे अधिकारी संजय राऊतांना ताब्यात घेत असताना त्याच्या आईचे डोळे ओलावले आणि कुटुंबातील इतर सदस्यही भावुक झाले होते.

ईडी अधिकाऱ्यांसोबत जाण्यापूर्वी संजय राऊत यांनी आईला मिठी मारली. तत्पूर्वी आईने मुलाची आरती करून कपाळावर टिळा लावला. संजय राऊत यांनी आईच्या चरणांना स्पर्श करून आशीर्वाद घेतला.

Sanjay Raut Arrested
Sanjay Raut Arrested: 18 तासांच्या चौकशीनंतर ED कडुन संजय राऊतांना अटक; काय घडलं जाणून घ्या

दोनदा समन्स बजावल्यानंतरही संजय राऊत ईडीच्या कार्यालयात हजर न झाल्याने रविवारी सकाळी अधिकारी त्यांच्या घरी पोहोचले. संजय राऊत यांच्या मुंबईतील (Mumbai) घरावर ईडीने छापा टाकून सुमारे नऊ तास शिवसेना खासदाराची चौकशी केली. यानंतर ईडीने आधी राऊतला ताब्यात घेतले आणि नंतर रात्री उशिरा अटक केली. राऊत यांना आज न्यायालयात हजर केले जाणार आहे. राऊत यांच्यावर ईडीच्या कारवाईबाबत शिवसैनिकांनी त्यांच्या घराबाहेर आणि नंतर ईडी कार्यालयाबाहेर घोषणाबाजी केली. त्याचवेळी राऊत यांच्या अटकेमुळे महाराष्ट्राच्या (Maharashtra) राजकारणाचा पारा पुन्हा एकदा चढला.

शिवसेना आणि महाविकास आघाडीच्या इतर मित्रपक्षांनी याला राजकीय षडयंत्र आणि सूडाच्या भावनेतून केलेली कृती म्हटले, तर भाजपने सत्याचा विजय झाल्याचे म्हटले. राऊत यांच्या अटकेनंतर महाराष्ट्राचे मुख्यमंत्री एकनाथ शिंदे यांचे वक्तव्य आले आहे. ईडीने राऊतला अटक केली असेल पण तपासानंतर सत्य सर्वांसमोर येईल, असे मुख्यमंत्री शिंदे म्हणाले. ते म्हणाले, "संजय राऊत यांनी आमच्यावर आणि आमच्या 50 आमदारांवर वारंवार टीका केली असेल, पण आम्ही तसे करणार नाही. त्यांच्या टीकेला आम्ही आमच्या कामाने उत्तर देऊ.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com