मुंबई : महाराष्ट्रात मागील दोन दिवसांपासून खासदार नवनीत राणा आणि आमदार रवी राणा व शिवसैनिक यांच्यात चांगलीच जुंपली असुन यामूळे चांगलच तापलं आहे. राणा दाम्पत्याने मातोश्रीवर जाऊन हनुमान चालीसा पठण करण्याच्या केलेल्या घोषणेनंतर महाराष्ट्रात राजकीय वातावरण तापलेलं आहे. शिवाय, राणा दाम्पत्य अमरावतीवरून मुंबईत देखील आल्याने मोठा तणाव निर्माण झाला होता. आज सकाळपासूनच शिवसेना कार्यकर्त्यांनी मातोश्रीबाहेर आणि नवनीत राणा यांच्या मुंबईतील निवासस्थानाबाहेर गर्दी केली होती. या पार्श्वभूमीवर राणा दाम्पत्य काय निर्णय घेणार याकडे सर्वांचे लक्ष लागले होते.(sanjay raut news)
अखेर राणा दाम्पत्याने पंतप्रधान नरेंद्र मोदी यांच्या मुंबई दौऱ्याला गालबोट लागू नये म्हणून आम्ही मातोश्रीवर जाणार नसल्याचं सांगत, आपले आंदोलन रद्द केले. माध्यमांसमोर त्यांनी तशी घोषणा देखील दिली. यानंतर राणा दाम्पत्याला पोलीसांनी ताब्यात घेतल्याने यावरुन नविन राजकिय घडामोडींना वेग येणार कि काय अशी स्थिती निर्माण झाली आहे. याच पार्श्वभूमीवर शिवसेना नेते संजय राऊत यांनी नागपूरमध्ये पत्रकारपरिषद घेत मातोश्रीशी छेडछाड करू नका, 20 फूट खाली गाडले जाल असे स्पष्ट करत राणा दाम्पत्य आणि भाजपावर सडकून टीका केली.
“मुंबईत हजारोंच्या संख्येने शिवसैनिक रस्त्यावर उतरलेले आहेत, जो रेटा आहे शिवसैनिकांचा. मला आमच्या शिवसैनिकांचंआश्चर्य आणि कौतुकही वाटत आहे. माझं आताच मुख्यमंत्र्यांशी बोलणं झालं, शिवसैनिकांनी तिथे काही रुग्णवाहिका देखील तयार ठेवल्या होत्या, जर बंटी आणि बबलीला रुग्णवाहिकेतून न्यावं लागलं तर. म्हणजे आंदोलन करणाऱ्यांची शिवसैनिक किती काळजी घेतात बघा, आमच्या शिवसैनिकांचा मानवतावादी दृष्टीकोन पाहा. पूर्णपणे हे भंपक, बोगस लोक हिंदुत्वाच्या नावाखाली भाजपाचे काही प्रमुख लोक यांच्या खांद्यावर बंदूक ठेवून, शिवसेनेवर हल्ला करण्याचा प्रयत्न करत आहेत.
मातोश्रीवर दंगलसदृश्य परिस्थिती निर्माण करणं हे कोणाचं कारस्थान आहे ? या ज्या खासदार आहेत, त्यांचा हिंदुत्वाशी काय संबंध ? या बंटी आणि बबलीचा श्रीरामाचं नाव घ्यायला यांचा विरोध होता. अयोध्या आंदोलनाला यांचा विरोध होता. हिंदुत्व शब्द घ्यायला यांना लाज वाटत होती आणि आज ही लोक हनुमान चालीसा, हिंदुत्व अशाप्रकारची भाषा वापरून महाराष्ट्रासमोर आव्हान निर्माण करण्याचा प्रयत्न करत आहेत. तेव्हा हिंदुत्व आम्हाला शिकवण्याचा कोणी अतिशहाणपणा करू नये. हे जे दीड शहाणे आहेत, त्यांना आम्ही आजही सांगतो कृपा करून शिवसेनेच्या वाटयाला जाऊ नका. मातोश्रीशी छेडछाड करू नका, २० फूट खाली गाडले जाल. हे मी कॅमेऱ्यासमोर सांगतोय. शिवसेनेच्या संयमाची परीक्षा पाहू नका.” असा इशारा देखील यावेळी संजय राऊत यांनी दिला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
