मुंबई : शिवसेना खासदार संजय राऊत यांची पत्नी वर्षा राऊत यांना काल सक्तवसुली संचालनालयाने (ईडी) समन्स बजावले आहे. याप्रकरणी त्यांना 29 डिसेंबरला ईडी कार्यालयात हजर राहण्यास सांगण्यात आले होते. परंतु, त्यांनी मुदतवाढ मागूव 5 जानेवारीला कार्यालयात दाखल होऊ असे सांगितले होते, मात्र त्या आज म्हणजेच एक दिवस आधी ईडी च्या कार्यालयात चौकशीसाठी दाखल झाल्या.
पीएमसी बॅंक गैरव्यवहारप्रकरणी काही संशयित बॅंक व्यवहार आढळून आले आहेत. त्याची पडताळणी करण्यासाठी वर्षा राऊत यांची चौकशी करणार आहे, असे एका वरिष्ठ अधिकाऱ्याने सांगितले. कलम ६७ अंतर्गत ही नोटीस बजावली आहे. त्यामुळे आता वर्षा राऊत यांना ईडीच्या चौकशीला सामोरे जावे लागणार आहे. पीएमसी बॅंक गैरव्यवहारप्रकरणी ईडीकडून काही जणांची चौकशी सुरू आहे. याच पार्श्‍वभूमीवर एका जुन्या प्रकरणाच्या चौकशीत वर्षा राऊत यांचे नाव समोर आल्याने त्यांना समन्स बजावण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.