लहान मुलांना पोलिओ लस म्हणून सॅनिटायझर दिल्याची धक्कादायक घटना महाराष्ट्रातील यवतमाळ जिल्ह्यात घडली आहे. यवतमाळमध्ये 12 लहान मुलांना पोलिओची लस म्हणून सॅनिटायझर दिल्याची घटना उघडकीस आली आहे. त्यानंतर या सर्व मुलांना हॉस्पिटल मध्ये दाखल करण्यात आले होते. व आता त्यांची तब्येत ठीक असल्याची माहिती मिळाली आहे.
देशात काल 31 जानेवारी रोजी पोलिओ लसीकरणाची मोहीम राबविण्यात आली होती. यावेळेस महाराष्ट्र राज्यातील यवतमाळ जिल्ह्यात 5 वर्षाखालील 12 मुलांना पोलिओची लस देण्याऐवजी निर्जंतवणुकीकरणासाठी म्हणून वापरण्यात येणाऱ्या सॅनिटायझरचे थेंब देण्यात आल्याचा धक्कादायक प्रकार समोर आला आहे. यानंतर पोलिओची लस म्हणून सॅनिटायझर देण्यात आलेल्या सर्व लहान बालकांना हॉस्पिटल मध्ये अ‍ॅडमिट करण्यात आले होते. व आता त्यांची तब्येत ठीक असल्याचे समजते.
दरम्यान, या घटनेनंतर आरोग्य कर्मचारी, डॉक्टर आणि आशा वर्कर यांना निलंबित करण्यात आले आहे. पोलिओची लस देणारे आरोग्य कर्मचारी, डॉक्टर आणि आशा वर्कर यांची चौकशी केल्यानंतर त्यांच्यावर निष्काळजीचा ठपका ठेवत निलंबित करण्यात आल्याची माहिती यवतमाळ जिल्हा परिषदेचे मुख्य कार्यकारी अधिकारी श्रीकृष्ण पांचाळ यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.