कर्तव्य बजावताना सातारा जिल्ह्याच्या जवानाला वीरमरण

सातारा जिल्ह्यातील बामणोली तर्फ कुडाळ गावचे जवान प्रथमेश संजय पवार (वय 22) यांना कर्तव्यावर असताना जम्मू येथील सांबा ब्लॉक येथे सेवा बजावत होते. काल रात्री साडे दहाच्या सुमारास झालेल्या चकमकीत त्यांना वीरमरण आले आहे. त्यांचे पार्थिव रविवारी बामणोली तर्फ कुडाळ गावी आणण्यात येणार असल्याची प्राथमिक माहिती समोर आली आहे. (Soldiers of Satara district die while performing their duties )

पवार यांचे प्राथमिक शिक्षण बामणोली तर्फ कुडाळ येथे झाले आहे. त्यानंतर बारावीपर्यंत पाचवड येथील विद्यालयामध्ये आपलं शिक्षण पूर्ण केलं होते. यानंतर नुकतच सैन्यदलात ते भरती झाले होते.

सैन्यदलात दाखल होऊन तीन महिने झाले असतानाच देशसेवा बजावताना प्रथमेश यांना वयाच्या 22 व्या वर्षी वीरमरण आल्याने बामणोली तर्फ कुडाळ गावासह संपूर्ण जावली तालुक्यावर शोककळा पसरली आहे. त्यांच्या पश्चात आई-वडील, एक भाऊ असा परिवार आहे.