Pune Crime News : मुलाने लग्नासाठी महिलेला पळवून नेले, बदनामीच्या भीतीने कुटुंबातील 7 जणांनी संपवलं आयुष्य

भीमा नदीच्या पात्रात आढळले मृतदेह, पोलिसांचा तपास सुरु
Crime In Goa
Crime In GoaDainik Gomantak

Pune Crime News : भारतीय समाजव्यवस्थेवर जातीय पगडा मोठा आहे. जात हा अनेकांसाठी प्रतिष्ठेचा विषय असतो त्यामुळेच जातीबाहेर लग्न करणे हे अनेकजण कथितरित्या कमीपणाचे मानतात. त्यातूनच जातीबाहेर विवाहाला विरोध केला जात असतो.

तथापि प्रेम ही सहजभावना असल्यामुळे अनेक तरुण तरुणी प्रेमात पडून आंतरजातीय विवाह करत असल्याच्या घटना दिसून येतात. त्यानंतर पण अशा लग्नांना विरोध असणाऱ्या नातेवाईकांकडून अशा प्रेमी युगलांबाबत क्रुर प्रतिक्रीया उमठत असतात. अशीच एक घटना समोर येत आहे.

Crime In Goa
Fire In Goa : विद्युत तारांच्या स्पर्शाने ट्रकलमधील गवताने घेतला पेट; सत्तरीतील घटना

पुणे जिल्ह्यातील दौंडमधून एक धक्कादायक घटना समोर येत आहे. मुलाने महिलेला लग्नाकरिता पळवून नेल्याच्या रागातून वडिलांसह कुटुंबातील 6 जणांनी आत्महत्या केली आहे. या मृतांमध्ये 3 लहान मुलींचा समावेश आहे. या धक्कादायक घटनेने राज्यात खळबळ पसरली आहे. या घटनेचा पोलिसांकडून अधिक तपास सुरु आहे.

Crime In Goa
ABVP Protest: उपजिल्हाधिकाऱ्यांचा तोडगा; झेवियर्स कॉलेज प्रशासनास दिली 'ही' मुदत

मनोज पवार कुटुंब हे मुळचे बीड जिल्हयातील गेवराई परिसरातील रहिवासी असून नगर जिल्ह्यातील पारनेर तालुक्यातील निघोज या गावात पवार कुटुंब राहत होतं. मनोज यांच्या छोट्या मुलाने वडार समाजातील महिलेला लग्नाकरिता पळवून नेले. ही महिला पतिपासून विभक्त राहत होती.

या घटनेची माहिती वडिलांनी मोठ्या मुलाला दिली. महिलेला परत आणण्यास सांग अन्यथा आम्ही आत्महत्या करु असे सांगितले. मात्र मुलाने लग्न करण्याकरिता पळवून नेलेल्या महिलेला परत न आणल्याने वडिलांना राग आला. राग आल्याने वडिलांसह अन्य 6 जणांनी आयुष्य संपवण्याचा निर्णय घेतला. 

पवार कुटुंब 17 जानेवारीला रात्री निघोज गावातून निघाले. दौंड तालुक्यातील भीमा नदीच्या पात्रात त्यांचे मृतदेह आढळून आले. मोहन पवार, संगिता मोहन पवार, राणी शाम फुलवरे, शाम फुलवरे अशी मृतांची नावे आहेत.

त्यांनंतर याच कुटुंबातील भीमा नदीच्या पात्रात 18, 20, 21 आणि  22 जानेवारीला चार मृतदेह आढळून आले होते. पोलिसांनी एनडीआरएफ पथकाच्या मदतीने नदीपात्रात शोधकार्य घेत मृतदेह नदीच्या बाहेर काढले.

पती पत्नी, मुलगी, जावई व त्यांच्या 3 मुलींचे मृतदेह भीमा नदीच्या पात्रात सापडल्याने परिसरात खळबळ पसरली. एकाच कुटुंबातील मृतदेह आढळल्याने कुटुंबाने आत्महत्या केली की घातपात झाला असा संशय व्यक्त केला जात होता. मात्र, पोलिस चौकशीअंती आत्महत्या नसल्यांच समोर आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com