राज्य महिला आयोग अध्यक्षा रुपाली चाकणकर यांना जीवे मारण्याची धमकी

राज्य महिला आयोगाच्या अध्यक्षा रुपाली चाकणकर यांना जीवे मारण्याची धमकी देण्यात आली आहे. चाकणकर यांनी गेल्या काही महिन्यात राष्ट्रवादीच्या नेत्या म्हणून पक्षाची ध्येयधोरणे यांना सक्रियरित्या अवलंबत विरोधी पक्षांना चांगलाच घाम फोडला आहे. चाकणकर यांची आंदोलनाची पद्धत, विरोधी पक्षांला सडेतोड उत्तर देण्याची क्षमता आहे. त्यामूळे त्यांनी कमी कालावधीत आपलं वेगळेपण राजकारणाच्या पटलावर चांगलंच उमटवले आहे. सध्या त्या राज्य महिला आयोगाच्या अध्यक्षा म्हणून आपली जबाबदारी (State Women's Commission chairperson Rupali Chakankar receives death threats )

राज्य महिला आयोगाच्या अध्यक्षा रुपाली चाकणकर यांना जीवे मारण्याची धमकी देण्यात आली. याबाबत अद्याप कोणती ही अधिकची माहिती मिळाली नसली तरी. फोन करणारे कोण यावरुन तर्क - वितर्क लावले जात आहेत. अज्ञाताने राष्ट्रीय महिला आयोगाच्या ऑफीसला फोन करुन रूपाली चाकणकर यांना पुढील 24 तासात जीवे मारू असा इशारा दिलाय. धमकीचं नेमकं कारण अद्याप समजू शकलं नाही. मात्र मागील काही दिवसांत तिसऱ्यांदा धमकीचा फोन आला आहे.

अवघ्या दीड ते दोन वर्षाच्या कालावधीत राष्ट्रवादी महिला काँग्रेसच्या प्रदेशाध्यक्ष रुपाली चाकणकर या रस्त्यावरची आंदोलनं ते भव्य व्यासपीठ आणि हजारोंच्या गर्दीत रुपाली चाकणकर यांचं वेगळेपण पाहायला मिळतं. विषयांची मुद्देसूद मांडणी, सडेतोड उत्तर, करारीपणा, कधी कोट्या करुन विरोधकांना नामोहरम करणं यासाठी रुपाली चाकणकर ओळखल्या जाऊ लागल्या आहेत.