राज्यसभेसाठी पाठींबा द्या; मराठा क्रांती मोर्चा समन्वयकांनी घेतली शरद पवारांची भेट

संभाजीराजे छत्रपती उद्या मुख्यमंत्र्यांना भेटणार; खलबतांना वेग
Sharad Pawar Sambhaji Raje
Sharad Pawar Sambhaji RajeDainik Gomantak

राज्यसभेच्या सहाव्या जागेसाठी संभाजीराजे छत्रपती यांनी मोर्चेबांधणी सुरु केली आहे. सक्रियपणे राज्यातील नेत्यांच्या भेटीगाटी घेत आपली ताकद आजमावण्याचा प्रयत्न ही सुरु आहे. या पार्श्वभूमीवर राष्ट्रवादीने आपली भुमिका स्पष्ट केली आहे. मात्र आपल्या वक्तव्याचा चुकीचा अर्थ लावण्यात आला, महाविकास आघाडी नव्हे तर शिवसेनेच्या उमेदवाराला आपला पाठिंबा असल्याचं राष्ट्रवादीचे अध्यक्ष शरद पवार यांनी स्पष्ट केलं तसेच संभाजीराजेंनी शिवसेना पुरस्कृत उमेदवार व्हावं अशी इच्छाही बोलावून दाखवली आहे. ( Support for Rajya Sabha; Maratha Kranti Morcha coordinators met Sharad Pawar )

Sharad Pawar Sambhaji Raje
''त्यांना जे म्हणायचंय ते त्यांनी म्हणावं; आम्हाला विकासाच्या मुद्द्यावर बोलायचंय''

मराठा क्रांती मोर्च्याच्या समन्वयकांनी शरद पवारांची आज पुण्यामध्ये भेट राज्यसभेच्या सहाव्या जागेसाठी संभाजीराजेंना पाठिंबा द्यावा या मागणीसाठी केली. त्यावेळी शरद पवार म्हणाले की, संभाजीराजे यांनी शिवसेना पुरस्कृत उमेदवार व्हावं अशी इच्छा आहे. शिवसेना पुरस्कृत किंवा शिवसेनेकडून जाहीर करण्यात आलेल्या उमेदवारालाच राष्ट्रवादी पाठींबा देणार. संभाजीराजे यांना राष्ट्रवादीचा पाठींबा असं आपण कधी बोललो नाही, माझ्या नांदेडमधील वक्तव्याचा चुकीचा अर्थ लावला.

Sharad Pawar Sambhaji Raje
ठाकरे सरकारचा जनतेला दिलासा, पेट्रोल-डिझेलचे दर केले कमी

संभाजीराजे छत्रपती शिवसेनेच्या वाटेवर ?

मिळालेल्या माहितीनुसार संभाजीराजे छत्रपती उद्या दुपारी 12 वाजता वर्षा बंगल्यावर मुख्यमंत्र्यांना भेटण्यासाठी जाणार असल्याचे वृत्त आहे. त्यामूळे संभाजीराजे शिवसेनेत प्रवेश करण्याची शक्यता असल्याची चर्चा आहे .उद्या दुपारी 12 वाजता संभाजीराजे छत्रपती यांनी अधिकृत पक्षप्रवेश करावं, त्यानंतर त्यांची उमेदवारी जाहीर करण्यात येईल असा निरोप शिवसेनेच्या वतीनं संभाजीराजेंना देण्यात आल्याचं सांगितलं जातय.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com