आजपासून वाढणार महाराष्ट्राचे तापमान, जाणून घ्या हवामानाचा मूड कधी बदलणार

नागपूर आणि नाशिकमध्ये आकाश ढगाळ राहण्याचा अंदाज आहे.
आजपासून वाढणार महाराष्ट्राचे तापमान, जाणून घ्या हवामानाचा मूड कधी बदलणार
Temperature in Maharashtra Dainik Gomantak

महाराष्ट्रात आज शुक्रवारी मुंबई आणि पुण्यासह अनेक प्रमुख ठिकाणी आकाश मुख्यत: निरभ्र राहणार असून हवामान कोरडं राहण्याची शक्यता बवामान वेधशाळेनं व्यक्त केला आहे. त्यामुळे तापमानात वाढ होऊ शकते आणि उष्णतेचा प्रभावही वाढू शकतो. मात्र, नागपूर आणि नाशिकमध्ये आकाश ढगाळ राहण्याचा अंदाज आहे. (Temperature in Maharashtra)

त्याचवेळी, भारतीय हवामानशास्त्र विभागाने (IMD) विदर्भात 13 ते 15 मे दरम्यान उष्णतेची लाट येण्याची शक्यता वर्तवली आहे. यानंतर, वेस्टर्न डिस्टर्बन्स सक्रिय झाल्यामुळे, हवामानाचा मूड बदलणार असून ढगाळ वातावरणासह पावसाचीही शक्यता व्यक्त केली आहे. त्यामुळे राज्यातील उष्णतेचे प्रमाण कमी होईल असा अंदाज आहे.

दुसरीकडे, महाराष्ट्रातील हवा गुणवत्ता निर्देशांक बहुतांश शहरांमध्ये समाधानकारक ते मध्यम श्रेणीत नोंदवला जात आहे. महाराष्ट्रातील प्रमुख जिल्ह्यांमध्ये शुक्रवारी हवामान कसे असेल ते जाणून घेऊया.

Temperature in Maharashtra
देशात ‘मॉन्सून’साठी पोषक वातावरण ; गोव्यात आज तुरळक पावसाची शक्‍यता

मुंबई

शुक्रवारी मुंबईत कमाल तापमान 35 आणि किमान तापमान 26 अंश सेल्सिअस राहण्याचा अंदाज आहे. हवामान स्वच्छ राहील. हवेचा दर्जा निर्देशांक 'मध्यम' श्रेणीत 108 वर नोंदवला गेला.

पुणे

पुण्यात कमाल तापमान 36 तर किमान तापमान 26 अंश सेल्सिअस राहण्याचा अंदाज आहे. दिवसा हवामान स्वच्छ राहील. दुपारनंतर आकाशात हलके ढग दिसतील. त्यामुळे पावसाचा अंदाजही व्यक्त केला जात आहे.

नागपूर

विदर्भातील नागपुर जिल्ह्यात कमाल तापमान 43 अंश सेल्सिअस तर किमान तापमान 32 अंश सेल्सिअस राहण्याचा अंदाज आहे. आकाश अंशतः ढगाळ राहू शकते. त्याच वेळी नागपूरकरांना उन्हाचा तडाखा बसण्याची शक्यता आहे.

नाशिक

नाशिकमध्ये कमाल तापमान 38 अंश सेल्सिअस तर किमान तापमान 23 अंश सेल्सिअस राहण्याचा अंदाज आहे. सकाळी हवामान निरभ्र असेल, मात्र दुपारनंतर ढगाळ वातावरण राहण्याची शक्यता आहे.

Temperature in Maharashtra
जालन्यात दोन गटात झालेल्या दगडफेकीत 5 पोलीस जखमी

औरंगाबाद

औरंगाबादमध्ये कमाल तापमान 41 अंश सेल्सिअस तर किमान तापमान 27 अंश सेल्सिअस राहण्याचा अंदाज आहे. हवामान स्वच्छ राहील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.