ठाकरे सरकारचा जनतेला दिलासा, पेट्रोल-डिझेलचे दर केले कमी

महाराष्ट्रात पेट्रोल आणि डिझेलचे दर कमी करण्याचा निर्णय राज्य सरकारने घेतला आहे.
Petrol Pump
Petrol PumpDainik Gomantak

Maharashtra Petrol Diesel Price : मोदी सरकारने पेट्रोल-डिझेलच्या दरामध्ये कपात केल्यानंतर आता महाविकास आघाडी सरकारनेही राज्यातील जनतेला दिलासा दिला आहे. पेट्रोलच्या दरात 2 रुपये 8 पैसे आणि डिझेलच्या दरात 1 रुपये 44 पैशांची कपात करण्याचा निर्णय महाविकास आघाडी सरकारने घेतला. तत्पूर्वी मोदी सरकारने पेट्रोलच्या दरात 8 रुपयांनी तर डिझेलच्या दरात 6 रुपयाने कपात करण्याता निर्णय घेतला होता.

दरम्यान, केंद्र सरकारने पेट्रोल आणि डिझेलच्या (Diesel) दरात मोठी कपात (Petrol Diesel Reduced Price) करण्याची घोषणा काल केली. ही वजावट सेंट्रल एक्साइज ड्युटीच्या माध्यमातून केली जात आहे. अर्थमंत्री निर्मला सीतारामन (Nirmala Sitharaman) यांनी सांगितले की, 'आम्ही पेट्रोलवरील केंद्रीय उत्पादन शुल्क प्रति लिटर 8 रुपये आणि डिझेलवर 6 रुपये प्रति लिटरने कमी करत आहोत.' यामुळे पेट्रोलचे दर प्रतिलिटर 9.5 रुपये आणि डिझेलचे दर 7 रुपयांनी कमी होणार आहेत. गेल्या काही महिन्यांपासून वाढलेल्या इंधन दरांवरुन विरोधक केंद्र सरकारवर हल्लाबोल करत होते. पेट्रोल आणि डिझेलचे दर कमी करण्यासाठी विरोधक सरकारवर सातत्याने दबाव आणत होते.

Petrol Pump
केंद्र सरकार कडून इंधनदरात कपातीच्या घोषणेनंतर पहा आजचा पेट्रोल, डिझेलचा दर एका क्लिकवर

तसेच, अर्थमंत्री निर्मला सीतारामन यांनी आणखी एक मोठी घोषणा करुन जनतेला दिलासा दिला आहे. त्या म्हणाल्या की, 'यावर्षी केंद्र सरकार (Central Government) प्रधानमंत्री उज्ज्वला योजनेच्या 9 कोटींहून अधिक लाभार्थ्यांना प्रति गॅस सिलिंडर 200 रुपये सबसिडी देणार आहे. ही सबसिडी फक्त 12 सिलिंडरपर्यंतच दिली जाईल.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com