Taragiri : भारतीय नौदलात ‘तारागिरी’ युद्धनौका दाखल, जाणून घ्या वैशिष्ट्य

Taragiri: भारतीय नौदलाच्या सेवेत तारागिरी युद्धनौकेची एन्ट्री झाली असून भारतीय नौदलाची ताकद आणखी वाढली आहे.
Taragiri
Taragiri Dainik Gomantak

भारतीय नौदलाच्या सेवेत तारागिरी युद्धनौकेची एन्ट्री झाली आहे. यामुळे भारतीय नौदलाची ताकद आणखी वाढली आहे. माझगाव डॉक शिपबिल्डर्स लिमिटेड येथे रविवारी प्रकल्प 17 ए मधील तिसरी युद्धनौका 'तारागिरी' चे जलावतरण करण्यात आले. 50,000 कोटी रुपयांच्या प्रकल्प 17A कार्यक्रमांतर्गत सात युद्धनौका बांधण्यात येणार आहेत. यातील चार युद्धनौका एमडीएल आणि तीन गार्डन रीच शिपबिल्डर्स अँड इंजिनियर्स (GRSE) सुधारित स्टिल्थ वैशिष्ट्यांसह बांधण्यात येणार आहेत. अशी माहिती माझॅगॉन डॉक शिपबिल्डर्स लिमिटेड यांनी दिली आहे.

तारागिरी (Taragiri) ही युद्धनौका एकात्मिक बांधणी पद्धत वापरून बांधण्यात आली आहे. यामध्ये विविध भौगोलिक ठिकाणी नौकेच्या प्रमुख भागाचे बांधकाम आणि एमडीएल येथे एकत्रीकरण/बसवणे यांचा समावेश आहे. तारागिरीची पायाभरणी 10 सप्टेंबर 2020 रोजी करण्यात आली होती. तसेच ऑगस्ट 2025 पर्यंत ती नौदलाकडे सुपूर्द होणे अपेक्षित आहे. या युद्धनौकेचे आरेखन भारतीय नौदलाच्या अंतर्गत असलेल्या नौदल (Navy) डिझाइन ब्युरो या आरेखन संस्थेने केले आहे. युद्धनौका पर्यवेक्षण पथकाच्या देखरेखीखाली एमडीएल विस्तृत आरेखन आणि बांधणी करत आहे.

Taragiri
PM मोदींच्या हस्ते 'डेअरी फेडरेशन वर्ल्ड डेअरी समिट' चे उद्घाटन

युद्धनौकांना डोंगररांगांची नावे

प्रकल्प 17A अंतर्गत बांधण्यात येणाऱ्या सर्व युद्धनौकांना भारतातील डोंगररांगांची नावे देण्यात आली आहेत. 'तारागिरी' हे नाव उत्तराखंडमध्ये असलेल्या हिमालयातील गढवाल येथील टेकडीवरून ठेवण्यात आले आहे.

‘तारागिरी’ युद्धनौकेची वैशिष्ट्ये

तारागिरी’ युद्धनौका ही भारतीय नौदलाच्या ताफ्यात आल्यामुळे नौदलाची ताकद आणखी वाढणार आहे. तारागिरी या युद्धनौकेचे वजन 3510 टन असून तिची रचना भारतीय नौदलाच्या इन-हाउस ब्युरो ऑफ नेव्हल डिझाईनने केली आहे. 149 मीटर लांब आणि 17.8 मीटर रुंद जहाज दोन गॅस टर्बाइन्स आणि दोन मुख्य डिझेल इंजिनच्या संयोजनाद्वारे समर्थित असेल. याचा टॉप स्पीड 28 नॉट्स असेल. ही नौका ताशी 59 किमी वेगाने समुद्राच्या लाटांना भेदून धावू शकती. या स्वदेशी युद्धनौकेवर 35 अधिकाऱ्यांसह 150 लोक तैनात केले जाऊ शकतात.

तारागिरी ही युद्धनौका एक स्वदेशी बनावटीची असून यामधून अत्याधुनिक शस्त्रे, सेन्सर्स, प्रगत कृती माहिती प्रणाली, एकात्मिक प्लॅटफॉर्म व्यवस्थापन प्रणाली, जागतिक दर्जाची मॉड्यूलर निवास व्यवस्था, वीज वितरण प्रणाली आणि इतर अनेक प्रगत सुविधा असतील

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com