देवेंद्रजी तुमच्या वजनाने बाबरी पडली असती, उद्धव ठाकरेंचा घणाघात

हिंदुत्व हे काय धोतर आहे का? उद्धव ठाकरेंचा सवाल
देवेंद्रजी तुमच्या वजनाने बाबरी पडली असती, उद्धव ठाकरेंचा घणाघात
Uddhav Thackeray on FadnavisDanik Gomantak

मनसे अध्यक्ष राज ठाकरेंनी राज्यात गेल्या महिन्याभरात घेतलेल्या तीन सभांच्या पार्श्वभूमीवर आज होत असलेल्या उद्धव ठाकरेंच्या सभेची उत्सुकता राजकीय वर्तुळात लागून राहिली होती. उद्धव ठाकरे मुख्यमंत्री झाल्यापासून पहिल्यांदाच अशा प्रकारे जाहीर सभा घेत असल्यामुळे या सभेत ते काय बोलणार? याविषयी मोठी चर्चा सुरू होती. (uddhav thackeray on devendra fadnavis)

दरम्यान, यावेळी बोलताना ते म्हणाले की, देवेंद्रजी तुमच्या वजनाने बाबरी पडली असती. असा टोला यावेळी त्यांनी बोलताना लगावला. तसेच हनुमान चालिसा, भोंगे वाले ही यांची ए, बी, सी टीम आहे. आमचं हिंदुत्व खरे की खोटे हे ठरवणारे तुम्ही कोण? हिंदुत्व हे काय धोतर आहे का? कधी नेसले कधी सोडले? हिंदुत्व ही धरण्याची सोडण्याची गोष्ट आहे का? कॉंग्रेसबरोबर गेलो तरी आम्ही हिंदुत्व सोडलेले नाही. आम्ही उघडपणे राष्ट्रवादी आणि शिवेसेनेसोबत गेलो.

Uddhav Thackeray on  Fadnavis
उद्धव ठाकरेंनी घेतला विरोधकांचा खरपूस समाचार, आम्ही त्या गाढवांना सोडले

गेल्यावेळेस त्यांनी भगव्या टोप्या घातल्या. विचारलं की का घातली, तर म्हणे हिंदुत्व ना. अरे हिंदुत्व टोपीत नसतं, डोक्यात असतं, मेंदुत असतं. या गर्दीमध्ये जीवंतपणा आहे. सर्व वाघ आहेत वाघ. अस म्हणत शिवसैनिकांचे काैतुक केले. तसेच मुंबईमध्ये जी काम आपण करतो, ती आपण अभिमानाने सांगितली पाहिजेत. सीबीएसई सारख्या बोर्डचे शिक्षण पालिका शाळांत दिले जाते. पूर्वी पालिकेच्या शाळांत जातो सांगायला थोडी लाज वाटत असे, आता जाऊन पहा, प्रवेशासाठी रांगा लागल्या आहेत. अशी माहिती उद्धव ठाकरे यांनी यावेळी बोलताना दिली.

शिवसेनेची मुंबईमध्ये जाहीर सभा होत आहे. या सभेमध्ये उद्धव ठाकरे काय बोलणार याकडे संबंध महाराष्ट्राचं लक्ष लागलेले होते. या सभेसाठी मंचावर शिवसेने प्रमुख नेते उपस्थीत आहेत. यामध्ये संजय राऊत, मिलिंद नार्वेकर, दादा भुसे, गुलाबराव पाटील, अरविंद सावंत, उदय सामंत, विनायक राऊत, अनिल देसाई, सुभाष देसाई, आदेश बांदेकर, मंचावर उपस्थित आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com