महाराष्ट्रात Cabinet विस्तार का होत नाही? शिंदे गटाच्या आमदारांनी सांगितले खरे कारण

Devendra Fadnavis & Eknath Shinde: विरोधकांनी सरकारवर निशाणा साधला आहे.
Devendra Fadnavis & Eknath Shinde
Devendra Fadnavis & Eknath ShindeDainik Gomantak

Maharashtra politics: मुख्यमंत्री एकनाथ शिंदे आणि देवेंद्र फडणवीस यांचा शपथविधी होऊन एक महिन्याहून अधिक काळ लोटला असला तरी राज्यात मंत्रिमंडळाचा विस्तार अद्याप झालेला नाही. यावरुन विरोधकांनी सरकारवर निशाणा साधला आहे. मात्र, लवकरच मंत्रिमंडळाचा विस्तार होणार असल्याचे शिंदे आणि फडणवीस सांगत आहेत. तर, मंत्रिमंडळ विस्ताराच्या दिरंगाईमागील कारण जाणून घेण्याचा प्रयत्न लोक करत आहेत. याबाबत दोन्ही बाजूंकडून अद्याप स्पष्टपणे काहीही सांगण्यात आलेले नाही.

दरम्यान, किती मंत्रीपदे कोणाला द्यायची? दोन्ही पक्ष आणि अपक्ष उमेदवारांसाठी कॅबिनेट फॉर्म्युला काय आहे? त्यामुळे विस्तारीकरण रखडल्याचे बोलले जात आहे. मात्र आता शिंदे गटाचे प्रवक्ते दीपक केसरकर (Deepak Kesarkar) यांनी मंत्रिमंडळ विस्तार रखडण्याचे खरे कारण सांगितले आहे.

Devendra Fadnavis & Eknath Shinde
Maharashtra Politics: 'शिवसेना हा गट नसून...', संजय राऊतांचा घणाघात

मंत्रिमंडळ विस्तार सुप्रीम कोर्टाच्या निर्णयाची वाट पाहत थांबला?

काल मुंबईत (Mumbai) प्रसारमाध्यमांशी बोलताना दीपक कारेसरकर म्हणाले, ''पक्षांतर्गत लोकशाही असावी की नसावी, हे सर्वोच्च न्यायालयाच्या (Supreme Court) निर्णयावरुन ठरेल. मुदतवाढ मिळण्यास वेळ लागू शकतो, परंतु सर्वोच्च न्यायालयाच्या निर्णयाचा आदर करणे क्रमप्राप्त आहे. आम्ही सर्वोच्च न्यायालयाचा आदर राखत आहोत. त्यामुळेच मंत्रिमंडळाचा विस्तार अद्याप झालेला नाही.” केसरकर पुढे म्हणाले की, 'अंतरिम आदेश सोमवारी येईल आणि त्यानंतरच मंत्रिमंडळाचा विस्तार केला जाईल.'

Devendra Fadnavis & Eknath Shinde
Maharashtra Political Crisis: दिपाली सय्यद यांच्या ट्विटमुळं राजकीय चर्चांना उधाण

दुसरीकडे, मंत्रिमंडळ विस्ताराची संभाव्य यादी समोर आली आहे. चंद्रकांत पाटील (Chandrakant Patil), सुधीर मुनगंटीवार, गिरीश महाजन, रवींद्र चव्हाण, राधाकृष्ण विखे पाटील, प्रवीण दरेकर, नितेश राणे, बबनराव लोणीकर यांना भाजपच्या कोट्यातून मंत्री केले जाण्याची शक्यता आहे. तर शिंदे गटातून शंभूराजे देसाई, संजय शिरसाट, अब्दुल सत्तार, संदीपान भुमरे, गुलाबराव पाटील, दादा भुसे, उदय सामंत, दीपक केसरकर यांची नावे पुढे आली आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com