कोरोनाची चौथी लाट येईल का ? आरोग्यमंत्र्यांनी दिली माहिती

''कोरोनाची चौथी लाट येईल अशी कुठलीही स्थिती नाही''
Rajesh Tope
Rajesh TopeDainik Gomantak

गेल्या काही दिवसांत राज्यात कोरोना रुग्णांचे आकडे वाढत आहेत. मुंबईत गेल्या दहा दिवसांत तब्बल 35 टक्क्यांनी रुग्ण वाढले आहेत. त्यामुळं कोरोनाच्या चौथ्या लाटेची भीती व्यक्त केली जात आहे. या पार्श्वभूमीवर राज्याचे आरोग्यमंत्री राजेश टोपे यांनी महत्त्वाची माहिती दिली आहे. राज्य सरकार परिस्थितीवर लक्ष ठेवून आहे. लोकांनी घाबरून जाऊ नये, असं आवाहन टोपे यांनी केलं आहे.

Rajesh Tope
महाराष्ट्राचे राज्यमंत्री बच्चू कडू यांना न्यायालयाकडून अटकपूर्व जामीन मंजूर

ते पत्रकारांशी बोलत होते. 'राज्यात कोरोना रुग्णसंख्येच्या वाढीचा वेग अतिशय कमी आहे. दिवसाला साधारण सव्वाशे ते दीडशे रुग्णांची नोंद होत आहे. अर्थात, ही रुग्णवाढ ठराविक पॉकेटमध्ये आहे. मुंबई, ठाणे, पुणे, नाशिक या शहरांमध्येच हे रुग्ण दिसत आहेत. मात्र, त्यामुळं घाबरून जाण्याची गरज नाही. कोरोनाची चौथी लाट वगैरे येईल अशी कुठलीही परिस्थिती नाही, असं टोपे म्हणाले.

Rajesh Tope
मुलीला वाचवण्यासाठी आईने केले बिबट्याशी दोन हात

कोरोनाच्या रुग्णवाढीमुळं घाबरून जाण्याची गरज नाही हे सांगताना राजेश टोपे यांनी उत्तर भारतातील परिस्थितीचा दाखला दिला. ‘गुजरातमध्ये अलीकडंच देशातील सर्व आरोग्यमंत्र्यांची एक बैठक झाली. आयसीएमआर व नीती आयोगाचे लोकही या बैठकीत सहभागी झाले होते. कोरोनाच्या अनुषंगानं या बैठकीत सविस्तर चर्चा झाली.

दिल्ली, पंजाब, उत्तर प्रदेशमध्ये सध्या कोरोनाचे रुग्ण वाढतायत. त्याबाबत मी तेथील आरोग्यमंत्र्यांशी चर्चा केली. त्यांच्या म्हणण्यानुसार रुग्ण वाढत असले तरी लक्षणं सौम्य आहेत. उपचारासाठी रुग्णालयात जाण्याची गरज लागत नाही. घरीच उपचार घेऊन लोक बरे होतायत,' असं टोपे म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com