सासष्टी: मत्स्यगंधा एक्सप्रेस ट्रेनमधून प्रवास करणाऱ्या एका महिलेचे सोन्याचे दागिने व 2 हजार रुपये मिळून 20 हजार रुपयांचा मुद्देमाल असलेली बॅग लंपास केल्याप्रकरणी अज्ञात संशयिताविरुद्ध कोकण रेल्वे पोलिसांनी गुन्हा नोंद केला आहे. ही घटना 21 फेब्रुवारी रोजी मडगाव रेल्वे स्थानकावर घडली होती.
कोकण रेल्वे पोलिसांकडून मिळालेल्या माहितीनुसार, ही महिला मत्स्यगंधा एक्सप्रेस ट्रेनमधून मुंबईहून कर्नाटकला प्रवास करीत असताना, ही चोरी झाली. याप्रकरणी सरीथा सागर या महिलेने 14 ऑक्‍टोबर रोजी कोकण रेल्वे स्थानकावर येऊन तक्रार नोंद केली आहे. अज्ञात चोराने बॅगमध्ये असलेली सोन्याचे दागिने, 2 हजार रुपये व इतर साहित्य मिळून सुमारे 20 हजार रुपयांचा मुद्देमाल लंपास केला, असे तक्रारीत म्‍हटले आहे. याप्रकरणी कोकण रेल्वे पोलिसांनी भा. दं. सं. च्या 379 कलमान्‍वये गुन्हा नोंद केला असून, पुढील तपास सुरू आहे.
दरम्यान कोईंबतूर एक्सप्रेस ट्रेनमधून प्रवास करणाऱ्या एका व्यक्तीचा लॅपटॉप व अन्य साहित्य मिळून 35 हजार रुपयांचा मुद्देमाल लंपास केल्याप्रकरणात अज्ञात चोराविरुद्ध कोकण रेल्वे पोलिसांनी गुन्हा नोंद केला आहे.
ही घटना 27 जून रोजी मडगाव रेल्वे स्थानक परिसरात घडली होती. तक्रारदार राजागोपालन (गुजरात) हे केरळहून गुजरातला प्रवास करत असताना ही चोरी झाली. त्‍यांनी 14 ऑक्‍टोबर रोजी कोकण रेल्वे पोलिस ठाण्यात येऊन तक्रार नोंद केली आहे. याप्रकरणी कोकण रेल्वे पोलिसांनी अज्ञात चोराविरुद्ध भा. दं. सं.च्या 379 कलमान्‍वये गुन्हा नोंद केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
