युक्रेन निर्वासितांसाठी प्रियांकाने मागितली जगाची मदत

जगभरातील युद्धात बळी पडलेल्यांना मदतीचे केले आवाहन
Ukraine war
Ukraine war Dainik Gomantak

अभिनय, सौंदर्याने बॉलीवूड आणि हॉलिवूडमध्ये जलवा दाखवलेली अभिनेत्री प्रियंका चोप्रा पुन्हा एकदा चर्चेत आली आहे. मात्र यावेळी प्रियांका एका सामाजिक विषयाने चर्चेत आली आहे. अनेक दिवसांपासून अमेरिकेत वास्तव्यास असलेल्या प्रियंकाने रशिया आणि युक्रेनमध्ये सुरू असलेल्या युद्धावर अनेकदा उघडपणे आवाज उठवला आहे. अलीकडेच प्रियंका पोलंडला गेली होती. जिथे तिने युक्रेनच्या निर्वासितांची भेट घेतली. केवळ भेटच घेतली नाही. तर या नागरिकांसाठी जगाची मदत मागितली आहे.

Ukraine war
Farmani Naaz Story: कोण आहे फरमाणी नाझ? जिने गायलयं 'हर हर शंभू'

प्रियांकाच्या इंस्टाग्रामवर एक व्हिडिओ शेअर करत लिहिले की, 'युक्रेनमधील परिस्थिती अजूनही खूपच वाईट आहे. आकार आणि संख्येच्या बाबतीत, हे मानवी इतिहासातील जगातील सर्वात मोठ्या विस्थापनांपैकी एक आहे. कृपया या युद्धामुळे प्रभावित झालेल्या लोकांचे जीवन जवळून पहा.' हा व्हिडिओ शेअर करत प्रियांकाने सांगितले आहे.

Priyanka Chopra
Priyanka ChopraDainik Gomantak

प्रियांकाने युद्धग्रस्त महिलांसोबत केले फोटो शेअर

प्रियांकाने युद्धग्रस्त महिला, मुले यांच्या परिणामांविषयीही फोटो शेअर केले आहेत. प्रियांकाने तिच्या इंस्टाग्राम स्टोरीमध्ये पोलंडमध्ये राहणाऱ्या निर्वासित मुलांचे फोटोही शेअर केले आहेत आणि या निर्वासित महिला आणि मुलांना आश्रय मिळण्यापूर्वी किती वेदना सहन कराव्या लागतात हे सांगितले आहे.

Ukraine war
Vidya Balan देणार गोड बातमी? व्हिडिओमध्ये दिसला बेबी बंप

युद्धात अनेक युक्रेनियन नागरिकांनी गमावले प्राण

आम्ही तुम्हाला सांगतो की 24 फेब्रुवारी रोजी रशियाने युक्रेनवर हल्ला केला (रशिया-युक्रेन युद्ध). या हल्ल्यानंतर रशिया आणि त्याच्या लष्करावर विविध प्रकारच्या युद्धगुन्ह्यांचे आरोप केले जात आहेत. हे युद्ध 5 महिन्यांहून अधिक काळ सुरू आहे आणि अनेक युक्रेनियन नागरिक आणि सैनिकांना आपले प्राण गमवावे लागले आहेत.

प्रियांकाच्या वर्क फ्रंटबद्दल बोलायचे झाले तर, प्रियांका चोप्रा शेवटची हॉलिवूड फिल्म 'द मॅट्रिक्स रिजेक्शन्स' मध्ये दिसली होती. आता लवकरच प्रियांका टीव्ही मालिका 'सिटाडेल' आणि 'इट्स ऑल कमिंग बॅक टू मी' या हॉलिवूड चित्रपटात दिसणार आहे. बॉलिवूडबद्दल बोलायचे झाले तर प्रियांका चोप्रा आता फरहान अख्तर दिग्दर्शित 'जी ले जरा' या चित्रपटात कतरिना कैफ आणि आलिया भट्टसोबत मुख्य भूमिकेत दिसणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com