Aindrila Sharma shocking death: 'या' अभिनेत्रीची मृत्यूसोबतची तिसरी लढाई ठरली अपयशी

जीवन-मरणाच्या लढाईत हार पत्करत बंगाली अभिनेत्रीने रविवारी दुपारी घेतला अखेरचा श्वास
Aindrila Sharma
Aindrila SharmaDainik Gomantak

जीवन-मरणाच्या तिसऱ्या लढाईत हार पत्करत बंगाली अभिनेत्री ऐंद्रिला शर्मा यांनी रविवारी दुपारी अखेरचा श्वास घेतला. 1 नोव्हेंबर रोजी ब्रेन स्ट्रोक आल्याने ऐंद्रिला शर्मा यांना कोलकाता येथील एका खाजगी रुग्णालयात दाखल करण्यात आले होते. मृत्यूसमयी त्यांचे वय अवघे 24 वर्ष होते. 20 दिवसांपूर्वी ब्रेन हॅमरेज झाल्यानंतर त्यांना रुग्णालयात दाखल करण्यात आले होते.

2015 मध्ये 11वीत शिकत असताना त्यांना पहिल्यांदा कॅन्सर झाल्याचे निदान झाले होते. तिच्या फुफ्फुसात ट्यूमर होता. कॅन्सरशी लढा देत तिने अभिनयाचे काम सुरू ठेवले होते. मात्र 1 नोव्हेंबर रोजी ब्रेन स्ट्रोक आल्याने त्यांना पुन्हा हावडा येथील एका खाजगी रुग्णालयात दाखल करण्यात आले होते. गेल्या १४ नोव्हेंबरपासून ऐंद्रिलाची प्रकृती ढासळू लागली. एंड्रिलाला ब्रेन हॅमरेज झाला होता. रुग्णालयातील सूत्रांनी दिलेल्या माहितीनुसार, शनिवारी (19 नोव्हेंबर) रात्री त्यांना हृदयविकाराचा तीव्र झटका आला, हा धक्का ऐंद्रिलाला सहन झाला नाही.

Aindrila Sharma
Kolkata Murder Case: श्रद्धासारखेच हत्या प्रकरण, आईच्या सांगण्यावरुन मुलाने केले वडिलांचे 6 तुकडे

ऐंद्रिला गेल्या २४ तासांपासून डॉक्टरांच्या काटेकोर देखरेखीखाली होती.अखेर रविवारी दुपारी 12:59 वाजता अभिनेत्री ऐंद्रिला शर्मा यांनी अखेरचा श्वास घेतला. या 24 वर्षांच्या तरुण अभिनेत्रीने दीर्घ संघर्षानंतर अखेर हार मानली. ऐंद्रिला शर्माचे घर मुर्शिदाबादच्या बहरामपूर येथील इंद्रप्रस्त भागात आहे. तिचे वडील व्यवसायाने डॉक्टर आहेत. ऐंद्रिलाच्या मृत्यूने टॉलीवूडमध्ये शोककळा पसरली आहे. त्यांच्या निधनावर अभिनेत्यांनी शोक व्यक्त केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com