'गंगूबाई' आणि 'आरआरआर' चित्रपटांच्या यशानंतर आलिया भट्ट (Alia Bhatt) आता पहिल्या हॉलिवूड चित्रपटाच्या शूटिंगला सुरुवात करणार आहे. आलिया भट्ट आता आपल्या चार्मने आंतरराष्ट्रीय चाहत्यांना वेड लावणार आहे. (Alia Bhatt will be seen in the Hollywood movie Heart of Stone)
आलिया भट्टने सोशल मीडियावर एक पोस्ट शेअर केली आहे ज्यामध्ये तिने सांगितले आहे की ती तिच्या पहिल्या हॉलीवूड चित्रपटाचे शूटिंग सुरू करणार आहे आणि त्यासाठी ती खूप घाबरत आहे.
आलिया भट्ट नेटफ्लिक्सच्या स्पाय थ्रिलर 'हार्ट ऑफ स्टोन'मध्ये (Heart of Stone) दिसून येणार आहे आणि शूटिंगसाठी तिने फ्लाइट घेतली आहे. या चित्रपटात ती गल गॅडोटसोबत दिसून येणार आहे. तसेच टॉम हार्पर या चित्रपटाचे दिग्दर्शन करत आहेत.
'हार्ट ऑफ स्टोन'मध्ये आलिया भट्ट कोणत्या भूमिकेत दिसणार, तिचा लूक कसा असेल, याचा खुलासा अद्याप झालेला नाहीये. गल गॅडोटने या चित्रपटाचे शूटिंग आधीच सुरू केले, ज्याचा फोटो तिने सोशल मीडियावर शेअर केला आहे. आता आलियाचे चाहते तिचे सेटवरील फोटो व्हिडिओ पाहण्यासाठी उत्सुक आहेत.
वर्कफ्रंटबद्दल बोलायचे झाले तर आलिया भट्ट नुकतीच 'गंगूबाई', 'RRR' या चित्रपटांमध्ये दिसून आली. याशिवाय तिचे चाहते रणबीर कपूरसोबतच्या 'ब्रह्मास्त्र' चित्रपटाची आतुरतेने वाट पाहत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
