Kolkata International Film Festival : कोलकाता चित्रपट महोत्सवात बिग बी अमिताभ आणि किंग खान शाहरुखचा होणार सन्मान

कोलकाता चित्रपट महोत्सवात बिग बी अमिताभ बच्चन आणि शाहरुख खान यांचा सन्मान केला जाणार आहे. महोत्सवाचे उद्घाटन अमिताभ बच्चन आणि जया बच्चन यांच्या हस्ते होणार आहे
Shah Rukh Khan, Amitabh Bachchan | Kolkata International Film Festival
Shah Rukh Khan, Amitabh Bachchan | Kolkata International Film FestivalDainik Gomantak

Kolkata Film Festival: बिग बी अमिताभ बच्चन (Amitabh Bachchan) आणि किंग खान शाहरुख (Shah Rukh Khan) बॉलीवूडचे दिग्गज आणि नावाजलेले कलाकार. दोघांनीही वेगवेगळ्या कलाकृतींमधुन प्रेक्षकांचे मनोरंजन केले आहे. 'मोहब्बते' आणि 'कभी खुशी कभी गम' या चित्रपटांमध्ये एकत्र कामही केलं आहे. वेगवेगळ्या कारणांनी दोघेही सतत चर्चेत असतात.

सध्या ही दोन नावं चर्चेत येण्याचं कारण कोलकाता फिल्म फेस्टिव्हल हे आहे. काेलकाता इथं होणाऱ्या २८ व्या आंतरराष्ट्रीय चित्रपट महोत्सवात अभिनेता शाहरुख खान आणि बिग बी अमिताभ बच्चन यांचा सन्मान होणार आहे.

सध्या सर्वत्र चित्रपट महोत्सवांची क्रेझ सुरु आहे. बॉलीवूडचे बरेच सेलीब्रिटी फिल्म फेस्टिव्हलमध्ये सहभागी होताना दिसत आहेत.

कोलकाता इथं होणाऱ्या या फेस्टिव्हल ला बिग बी आणि जया बच्चन सहभागी होणार आहेत. जया बच्चन(Jaya Bachchan) यांच्या हस्ते महोत्सवाचं उद्घाटन होणार आहे. बंगालशी बच्चन कुटुंबियांचे एक अनोखे नाते आहे. अमिताभ बच्चन (Amitabh Bachchan) यांच्या वाढदिवसाच्या दिवशी 'कौन बनेगा करोडपती'च्या स्पेशल एपिसोडमध्ये जया बच्चन यांनी बच्चन कुटुंबिय आणि बंगालच्या नात्याविषयी सांगितलं होतं.

Shah Rukh Khan, Amitabh Bachchan | Kolkata International Film Festival
Delhi Acid Attack : दिल्ली अॅसिड हल्ल्यानंतर कंगनाने सांगितला बहिणीवर झालेला भयानक हल्ला; म्हणाली...

कोलकत्यात संपन्न होणारा हा फेस्टिव्हल 15 ते 22 डिसेंबर या कालावधीत असणार आहे. या फेस्टिव्हल मध्ये बिग बी अमिताभ बच्चन आणि शाहरुख खान यांचा 'गेस्ट ऑफ ऑनर’ म्हणुन सन्मान केला जाणार आहे.

अमिताभ बच्चन आणि शाहरुख खान यांंच्याशिवाय या महोत्सवात अभिनेत्री राणी मुखर्जी, दिग्दर्शक महेश भट्ट, गायक कुमार सानू आणि शत्रुघ्न सिन्हा हे दिग्गजही सहभागी होणार आहेत.

‘रेड सी फिल्म फेस्टिव्हल २०२२’ या अलिकडेच सौदी अरेबिया इथं पार पडलेल्या महोत्सवात शाहरुख खानला विशेष निमंत्रण होतं. या महोत्सवात शाहरुखच्या 'दिलवाले दुल्हनिया ले जायेंगे' या सिनेमाचं स्पेशल स्क्रिनिंगही आयोजित करण्यात आलं होतं. सध्या शाहरुखचा पठाण हा आगामी चित्रपट वादाच्या भोवऱ्यात सापडला आहे. 25 जानेवारी 2023 ला प्रदर्शित होणाऱ्या या चित्रपटाचे भविष्य काय आहे हे पाहणं जास्त इंटरेस्टिंग असेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com