KL Rahul सोबतच्या लग्नाच्या बातम्यांवर मला हसू येत: अथिया शेट्टी

बॉलिवूडचा प्रसिद्ध अभिनेता सुनील शेट्टीची मुलगी अभिनेत्री अथिया शेट्टी तिच्या कथित नात्यामुळे बऱ्याच दिवसांपासून सोशल मीडियावर चर्चेत आहे.
KL Rahul सोबतच्या लग्नाच्या बातम्यांवर मला हसू येत: अथिया शेट्टी
Athiya Shetty and KL RahulDainik Gomantak

बॉलिवूडचा प्रसिद्ध अभिनेता सुनील शेट्टीची (Suniel Shetty) मुलगी अभिनेत्री अथिया शेट्टी (Athiya Shetty) तिच्या कथित नात्यामुळे बऱ्याच दिवसांपासून सोशल मीडियावर चर्चेत आहे. यापूर्वी समोर आलेल्या रिपोर्ट्स नुसार असा दावा करण्यात आला होता की अथिया शेट्टी आणि क्रिकेटर केएल राहुल (KL Rahul) या वर्षाच्या शेवटी डिसेंबरमध्ये लग्न गाठ बांधणार होते. त्याचवेळी आता अभिनेत्री अथिया शेट्टीने तिच्या लग्नाच्या बातमीवर प्रतिक्रिया दिली. अलीकडेच एका मुलाखतीत, अभिनेत्रीने सांगितले की, अशा अफवा ऐकून ती त्यावर हसते. (Athiya Shetty has Silence is left on the news of her marriage to KL Rahul)

Athiya Shetty and KL Rahul
मोरजी बीचवर मोनालीसाचा हॉट फोटोशूट

खरं तर, मागील काही मीडिया रिपोर्ट्समध्ये असा दावा करण्यात आला होता की अथिया आणि केएल राहुलने वांद्रे येथील एका बांधकामाधीन इमारतीत स्वतःसाठी एक घर बुक केले आहे. अशा परिस्थितीत आता या वृत्तांवर प्रतिक्रिया देताना अथिया म्हणाली की, ती नवीन घरात जात आहे हे खरे आहे, पण ती तिचे आई-वडील सुनील शेट्टी आणि माना शेट्टी, भाऊ अहान शेट्टी यांच्यासोबत नवीन घरात शिफ्ट होते आहे.

या नवीन घरात मी आणि माझे कुटुंब एकत्र राहणार आहोत. आथिया आणि तिचे कुटुंब सध्या त्यांच्या दक्षिण मुंबईतील अल्टामाऊंट रोडच्या घरात राहत आहेत. यादरम्यान तिने केएल राहुलसोबतच्या लग्नाच्या बातम्यांबद्दलही चर्चा केली. अथिया म्हणाली की, "मी यापैकी कोणत्याही प्रश्नाचे उत्तर देणार नाहीये. मी या सगळ्याला कंटाळले आहे, आता मी फक्त या बातम्यांची खिल्ली उडवत असते. लोकांना जे काही विचार करायचे आहे ते विचार करू द्यात."

यापूर्वीही अथियाचा भाऊ अहान यानेही अभिनेत्री आणि क्रिकेटरच्या लग्नाच्या अफवांचे खंडन केले होते. एका वेबसाईटशी बोलताना अहान म्हणाला होता की, "असा कोणताही समारंभ नाहीये, या सगळ्या अफवा आहेत. लग्नच नाही, तर आम्ही तुम्हाला डेट कशी देऊ? एंगेजमेंटही झालेली नाहीये. सध्या तरी असं काही नाहीये. कसलेही प्लॅन नाहीत. शिवाय पुढच्या महिन्यांत लग्नाचेही प्लॅन्सही नाही आहेत."

Athiya Shetty and KL Rahul
Janhit Me Jaari Trailer Out: नुसरत भरुचा जणजागृतीसाठी पडली बाहेर पण...

विशेष म्हणजे, अथिया आणि केएल राहुलच्या नात्याबाबत बऱ्याच दिवसांपासून चर्चा रंगत आहे. दोघांना अनेकदा एकत्र पाहून लोक त्यांच्या नात्याबद्दल अंदाज लावत असतात. कामाच्या बाबतीमध्ये बोलायचे झाले तर, अथिया शेवटची 2019 मध्ये मोतीचूर चकनाचूर या चित्रपटात नवाजुद्दीन सिद्दीकीसोबत दिसून आली होती. त्याचबरोबर ती आत्ता सध्या दोन प्रोजेक्टवर काम करत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com