गांजासेवनप्रकरणी भारतीसिंह व हर्षला न्यायालयीन कोठडी; जामीन अर्जावर आज सुनावणी

गोमन्तक वृत्तसेवा
सोमवार, 23 नोव्हेंबर 2020

गांजा सेवनप्रकरणी अटक केलेली विनोदी कलाकार भारती सिंह व तिचा पती हर्ष लिंबाचिया यांना किल्ला (एक्‍सप्लेनेट) न्यायालयाने चार डिसेंबरपर्यंत न्यायालयीन कोठडी सुनावली आहे.

मुंबई :  गांजा सेवनप्रकरणी अटक केलेली विनोदी कलाकार भारती सिंह व तिचा पती हर्ष लिंबाचिया यांना किल्ला (एक्‍सप्लेनेट) न्यायालयाने चार डिसेंबरपर्यंत न्यायालयीन कोठडी सुनावली आहे. दोघांनीही जामीनासाठी अर्ज केला असून, त्याची आज सुनावणी होणार आहे.

केंद्रीय अमली पदार्थविरोधी पथकाने (एनसीबी) विनोदी कलाकार भारती सिंहच्या घरावर शनिवारी (ता. २१) छापा टाकला. त्या वेळी तिच्या घरात अमली पदार्थ सापडल्याने एनसीबीने तिला चौकशीसाठी ताब्यात घेतले. चौकशीत भारती आणि तिचा पती हर्षने अमली पदार्थांचे सेवन करत असल्याची कबुली दिल्यानंतर एनसीबीने तिला एनपीडीएस कायद्यांतर्गत गुन्हा दाखल करून अटक केली. या वेळी भारतीची चार तास, तर हर्षची तब्बल १५ तास एनसीबीच्या अधिकाऱ्यांनी चौकशी केली होती. 

अधिक वाचा :

‘न्यूयॉर्क टाइम्सच्या दर्जेदार पुस्तकांच्या यादीत तीन भारतीयांची पुस्तके

आंध्र पाठोपाठ तमिळनाडूतही ऑनलाइन गेमिंगवर बंदी 

संबंधित बातम्या