गोव्यातील गावकऱ्यांची व्यथा मांडणारा 'भूमिपुत्र'

लोकप्रिय असलेल्या तौसिफ द नावेली यांनी सध्या गाजत असलेल्या भूमिपुत्र विधेयकावर आधारित ‘भूमिपुत्र’ हा चित्रपट प्रदर्शित झाला असून सद्या तो गोव्यात चांगलाच गाजत आहे.
गोव्यातील गावकऱ्यांची व्यथा मांडणारा 'भूमिपुत्र'
Bhumiputra Movie Dainik Gomantak

भूमिपुत्र (Bhumiputra) या प्रकाराला गोव्यात जनमानसाचा आरसा मानला जातो. सध्या कोविडमुळे (Covid 19 ) तियात्र थोडा मागे पडला असला तरी त्याची जागा कोंकणी (Konkani) फिल्म्सनी घेतलेली आहे. तियात्र वर्तुळातील थोडासा वादग्रस्त; पण तरीही लोकप्रिय असलेल्या तौसिफ द नावेली यांनी सध्या गाजत असलेल्या भूमिपुत्र विधेयकावर आधारित ‘भूमिपुत्र’ हा चित्रपट प्रदर्शित झाला आहे. या फिल्ममध्ये आघाडीच्या कलाकारां बरोबर राजकीय(Political) आणि सामाजिक (Social) क्षेत्रात सक्रिय असलेल्या ऐश्वर्या, तारा केरकर, फातोर्डा काँग्रेसचे (Congress) चिदंबर यांचाही समावेश आहे. काही वर्षांपूर्वी याच तौसिफने हिंदुत्ववादी शक्तींना विरोध करणारा ‘आकांतवादी गोयांत नाका’ हा तियात्र आणून स्वतःवर खटलाही ओढवून घेतला होता. आता हा भूमिपुत्र आणून काय ते ओढवून घेतात ते पाहावे लागेल!

Bhumiputra Movie
बिचारे भूमिपुत्र ! आणि वाह रे गोवा सरकार...

दरम्यान, या विधेयकाला गावकऱ्यांचा विरोध करत सरकार विरोधात आंदोलनाचा पवित्रा घेतला. त्यानंतर सरकारने विधानसभेत संमत केलेले गोवा भूमिपुत्र अधिकारणी विधेयक रद्द करावे, अशी गावकऱ्यांनी मागणी केली. पूर्ण जमीनची मालकी मिळण्यासाठी सरकारने खरे तर विधेयक आणण्याची गरज आहे. पण त्याकडे दुर्लक्ष केल्‍याने गावकऱ्यांनी नाराजी व्‍यक्त केली.

भूमी असून आम्ही भूमिहीन, असा जप आता येथील मराठे गावकरी करीत होते. एका बाजूने सरकार दुसऱ्यांच्या जमिनीवर बेकायदेशीर कब्जा करून राहत असलेल्यांना भूमिपुत्र (Bhumiputra) ठरवून भूमिपुत्र अधिकारिणी कायद्याने अधिकार देण्याचा कायदा करीत आहे. तर दुसऱ्या बाजूने ज्यांची हक्काची भूमी जी पोर्तुगिजांविरुद्ध बंड करून हिसकावून घेतली, त्या भूमीची मालकी आजही कोर्ट रिसिव्हरकडे ठेवली आहे. स्वत:च्याच जमिनीवर कुंकळ्ळीचे गावकरी परके झाले आहेत. भूमिहीन तर बळकावलेल्या जमिनीचे मालक भूमिपुत्र? वा रे सरकार....

Related Stories

No stories found.