आर माधवनच्या मुलाने रोशन केले महाराष्ट्राचे नाव

बॉलीवुड अभिनेता आर माधवनचा मुलगा वेदांत माधवन याने पुन्हा एकदा आपल्या वडिलांना अभिमान वाटावा अशी संधी दिली आहे. बेंगरुळू येथे नुकत्याच झालेल्या ज्युनियर नॅशनल अॅक्वाटिक चॅम्पियनशिपमध्ये वेदांतने महाराष्ट्रासाठी सात पदके जिंकली आहेत. वेदांतच्या या यशावर आर माधवण खूप आनंदी झाला आहे. सोशल मिडियावर ट्वीट करून वेदांतचे अभिनंदन केले आहे.

वेदांत माधवनने बसवगानुडी एक्वाटिक सेंटर येथे झालेल्या जलतरण स्पर्धेत चार रौप्य आणि तीन कास्यपदके जिंकली आहत. त्यांच्या विजयानंतर लोक त्याचे आणि आर माधवनचे ट्वीटरद्वारे अभिनंदन करत आहेत. एका माध्यमाने दिलेल्या माहितीनुसार वेदांतने 800 मीटर फ्री स्टाइल जलतरण, 1500 मीटर फ्री स्टाइल जलतरण, 4 × 100 मीटर फ्री स्टाइल स्विमिंग आणि 4 × 200 मीटर फ्री स्टाइल जलतरण रिले इव्हेंटमध्ये रौप्य पदके जिंकली आहेत. त्याने 100 मीटर, 200 मीटर आणि 400 मीटर फ्रीस्टाइल जलतरण प्रकारात कांस्यपदक जिंकले. यापूर्वीसुद्धा वेदांतने स्विमिंग चॅम्पियनशिपमध्ये आपल्या देशासाठी पदके मिळवून दिली आहे.

आर माधवन याने बॉलीवुड चित्रपट आणि तमिळ चित्रपटामध्ये सुद्धा काम केले आहे. त्याने बॉलीवुडमध्ये अनेक सुपरहीट चित्रपटही केले आहेत. त्याने 'लंडन वाले',रहना है तेरे दिल में, रंग दे बसंती, तनु वेड्स मनू, 3 इडियट्स, साला खडूस यासारख्या बॉलीवुड चित्रपटामध्ये काम केले आहे. ' द नंबी इफेक्ट' हा त्याचा आगामी चित्रपट आहे. हे इस्रोचे माजी शास्त्रज्ञ नंबी नारायणन यांच्या जीवनावर आधारित आहे.