Happy Birthday: दीपिका पदुकोणने शाहरुख खानच्या चित्रपटातून केले होते पदार्पण

दीपिका पदुकोण ही बॉलिवूडमधील टॉप अभिनेत्रींपैकी एक आहे. तिने तिच्या कारकिर्दीत एकापेक्षा एक सरस चित्रपट केले आहेत. तिचे बरेचसे चित्रपटही हिट ठरले आहेत. पण तुम्हाला माहित आहे का की दीपिका देखील तिचे वडील बॅडमिंटन चॅम्पियन प्रकाश पदुकोण प्रमाणेच अभिनेत्री होण्यापूर्वी बॅडमिंटन खेळाडू होती. दीपिका (Deepika Padukone) लहानपणापासून बॅडमिंटन खेळत होती, पण त्यानंतर तिने वयाच्या 16 व्या वर्षी मॉडेलिंगमध्ये करिअर करण्याचा निर्णय घेतला.

अभिनयात करिअर करण्यापूर्वी दीपिकाने अनेक मॉडेलिंग असाइनमेंटमध्ये काम केले. यानंतर 2007 मध्ये दीपिकाने ओम शांती ओम या चित्रपटातून बॉलिवूडमध्ये पदार्पण केले. पहिल्याच चित्रपटातून दीपिकाने सर्वांची मने जिंकली. या चित्रपटात शाहरुख खान मुख्य भूमिकेत होता. याच्या एक वर्ष आधी म्हणजे 2006 मध्ये दीपिकाने ऐश्वर्या या कन्नड चित्रपटात काम केले होते.

यानंतर दीपिकाने बचना ए हसीनो, चांदनी चौक टू चायना, बिल्लू, कार्तिक कॉलिंग कार्तिक, हाऊसफुल या चित्रपटांमध्ये काम केले, पण कॉकटेल चित्रपट केल्यानंतर दीपिकाच्या करिअरमध्ये टर्निंग पॉइंट आला. यानंतर त्यांनी ये जवानी है दिवानी, चेन्नई एक्सप्रेस, गोलियों की रासलीला राम-लीला, बाजीराव मस्तानी, पद्मावत आणि छपाक सारखे हिट सिनेमे दिले.

यानंतर दीपिकाने हॉलिवूडमध्येही काम केले आणि विन डिजॉनच्या xXx रिटर्न ऑफ झेंडर केज या चित्रपटात काम केले. पहिल्याच चित्रपटापासून दीपिकाने खळबळ उडवून दिली.

चित्रपटांमध्ये काम केल्यानंतर आता दीपिकानेही गेल्या वर्षी निर्माती म्हणून काम सुरू केले आहे. दीपिकाने 83 या चित्रपटाची निर्मिती केली असून त्यात पती रणवीर सिंगने काम केले आहे. या चित्रपटाला खूप चांगले रिव्ह्यू मिळाले असून दीपिकाचे कौतुकही झाले आहे.