बॉलिवूडमधील प्रसिद्ध अभिनेत्री दीपिका पदुकोण कान्स फिल्म फेस्टिव्हलमध्ये (Cannes Film Festival) सहभागी होण्यासाठी फ्रान्समध्ये पोहोचली आहे. यावेळी दीपिका चित्रपट महोत्सवाच्या 75 व्या आवृत्तीत केवळ रेड कार्पेटवरच दिसणार नाही तर ती ज्युरीचा भाग देखील असणार आहे. दीपिकाने तिच्या इंस्टाग्राम अकाऊंटवर एक व्हिडिओ शेअर केला आणि 17 मे ते 28 मे दरम्यान होणाऱ्या फिल्म फेस्टिव्हलमध्ये येण्याची माहिती दिली. (Cannes Film Festival Deepika Padukone share Vlog)
दीपिकाने (Deepika Padukone) स्वत: विमानतळावर येताना आणि पुढे काय करायचे याबद्दल बोलतानाचा एक व्हिडिओ शेअर केला आहे. व्हिडिओमध्ये दीपिका पांढऱ्या टी-शर्टमध्ये आणि निळ्या जॅकेटसह निळ्या डेनिम जीन्समध्ये अतिशय सुंदर दिसत आहे. तिचा नॉन-मेकअप लुक दाखवत, तिने चष्मा आणि तपकिरी रंगाच्या हँडबॅगने तिचा लूक अधिक सुंदर दिसत आहे. या व्हिडिओखाली (Video) तिने 'हॅशटॅग कान्स 2022' असे कॅप्शन दिले आहे.
दीपिका 2017 पासून कान्सचा एक अविभाज्य भाग आहे. यावर्षी ती कान फिल्म फेस्टिव्हलमधील स्पर्धेच्या ज्युरीचा भाग आहे. पाच पुरुष आणि चार महिलांचा समावेश असलेली ज्युरी यंदाच्या पाल्मे डी'ओर विजेत्याची निवड करेल. दीपिका लवकरच शाहरुख खानसोबत 'पठाण' या चित्रपटात दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.