Dhanush: अन् धनुषचा लूक झाला व्हायरल! नव्या अवतारात अभिनेत्याला पाहून तुम्ही म्हणाल...

Dhanush: दाक्षिणात्य अभिनेता धनुष आपल्या वेगळ्या धाटणीच्या चित्रपटांसाठी ओळखला जातो. धनुषने आपल्या सहज अभिनयाने प्रेक्षकांच्या मनात वेगळे स्थान निर्माण केले आहे. याबरोबरच चित्रपटांशिवायदेखील धनुष विविध माध्यमांतून आपल्या चाहत्यांच्या संपर्कात असतो.

आता देखील तो अशाच एका कारणामुळे धनुष चर्चेत आला आहे आणि हे कारण म्हणजे धनुषचा नवीन लूक. धनुषने आपल्या दोन्ही मुलांसहित तिरुपती बालाजीचं दर्शन घेत सर्वांचे लक्ष वेधून घेतले आहे. याबरोबरच आपले केस दान करत त्याने चाहत्यांना आश्चर्यचकित केले आहे. त्याचा हा नवीन लूक चाहत्यांचा पसंतीस उतरला जात असून चाहते त्याचे कौतुक करत आहेत.

धनुषसोबत त्याच्यादोन्ही मुलांनी यात्रा आणि लिंगाने देखील आपले केस दान केले आहेत. सोशल मिडियावर धनुष आणि त्यांच्या फॅमिलीचे फोटो चांगलेच व्हायरल होत आहेत. धनुषने तिरुपती मंदिरात पूजा करत आपले केस दान केल्याची चर्चा आहे. यावेळी दोन्ही मुलांसोबत धनुषचे आई-वडीलही उपस्थित होते.

दरम्यान धनुष कॅप्टन मिलर या आगामी चित्रपटात दिसून येणार आहे. याशिवाय, काही दिवसांपूर्वी तेरे इश्क या चित्रपटात काम करण्यासाठी धनुषचा प्रसिद्ध चित्रपट रांझनाचे डायरेक्टर आनंद राय आणि धनुष पून्हा एकदा एकत्र येणार असल्याची घोषणा आनंद राय यांनी केली होती. आता धनुषचा हा नवीन लुक पाहून त्याचा आगामी चित्रपट D50 साठी असल्याचे म्हटले जात आहे.