मुंबई : कोरोनाच्या (Corona) दुसर्‍या लाटेत, देशातील सर्वाधिक बाधित राज्यात महाराष्ट्र आहे. परंतू आता महाराष्ट्राच्या शहरी भागात परिस्थिती सुधारण्यास सुरूवात झाली आहे. मुंबईतही (Mumbai) दररोज कोरोना प्रकरणात घट होत आहे. कोरोनाच्या आकडेवारीत घट झाल्याने राज्य सरकारने काही भागात कोरोनाशी संबंधित निर्बंध कमी केले आहेत. मुंबईत कोरोनाचा संसर्ग कमी झाल्यानंतर अनलॉकची (Unlock) प्रक्रियेला सुरुवात झाली आहे. त्यामुळे बॉलिवूडलाही (Bollywood) अनलॉक करण्याची मागणी होत आहे.
बॉलिवूडमधील सर्वात मोठी संस्था फेडरेशन ऑफ वेस्टर्न इंडियन सीने एम्प्लॉईज (FWICE) ने मुख्यमंत्री उद्धव ठाकरे यांना पत्र लिहून शूटिंग पुन्हा सुरू करण्यास परवानगी देण्याची मागणी करण्यात आली आहे. फिल्म, टेलिव्हिजन आणि वेब सीरिजशी संबंधित कोट्यावधी लोकांचे उत्पन्नास नुकसान झाले आहे, असा महासंघाचा दावा आहे. कोरोनाच्या दुसऱ्या लाटेचा कलाकार, दिग्दर्शक, तंत्रज्ञ यांच्यासह सर्वांनाच फटका बसला आहे. शुटींग बंद असल्याने या क्षेत्रातील लोकांवर उपासमारीची वेळ आली आहे. नाईलाजाने अनेक दिग्दर्शक दुसऱ्या राज्यात जाऊन शुटींग करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.