Mumbai फिल्मसिटीमध्ये मोठी दुर्घटना, 'गुम है किसी के प्यार में'च्या सेटला भीषण आग

Ghum Hai Kisikey Pyaar Meiin: नील भट्ट आणि आयशा सिंह स्टारर 'गुम है किसी के प्यार में' प्रत्येक घराघरात पाहायला मिळते. आजच्या काळात 'अनुपमा' नंतर ही मालिका लोकांची पहिली पसंती आहे. टीआरपीमध्ये रुपाली गांगुली अभिनीत शोला टक्कर देणारी ही मालिका रोजच चर्चेत असते.

काहीवेळा ही मालिका ट्रॅकमध्ये वारंवार येणाऱ्या ट्विस्ट आणि टर्नमुळे तर कधी मालिकेतील स्टार्सच्या वैयक्तिक आयुष्यामुळे हेडलाइन्स मिळवते. पण, आज स्टार प्लसची प्रसिद्ध मालिका 'गुम है किसी के प्यार में' वेगळ्याच कारणाने चर्चेत आहे. खरे तर, नील भट्ट, आयशा सिंह आणि ऐश्वर्या शर्मा स्टारर मालिकेच्या सेटवर मोठी आग लागली आहे.

आग लागली

आता, या मलिकेबद्दल एक मोठी बातमी समोर आली आहे, ज्यात स्टार्स आणि कथेबाबत सोशल मीडियावर नेटिझन्सनी निशाणा साधला आहे. तर दुसरीकडे, मुंबई (Mumbai) फिल्मसिटीमध्ये 'गुम है किसी के प्यार' या मालिकेच्या सेटला भीषण आग लागली.

पूर्व गोरेगाव येथील फिल्मसिटीकडून मिळालेल्या माहितीनुसार, या सेटला लागलेली आग आजूबाजूच्या इतर अनेक सेटमध्ये पसरत आहे. आत्तापर्यंत आग 'तेरी मेरी दूरियाँ' आणि 'अजुनी' या मालिकांच्या सेटवर पोहोचली आहे. घटनेच्या वेळी तिन्ही मालिकांच्या सेटवर सुमारे हजार लोक काम करत होते.