Happy Birthday Dhanush: 'कोलावरी डी' फेम धनुषचे टॉप डान्स नंबर तुम्ही पाहिलेत का?

धनुषने 20 वर्षांच्या कारकिर्दीत अनेक हिट चित्रपट दिले. त्याला देश -विदेशातील चाहत्यांचे प्रेम देखिल मिळाले आहे. धनुष आज 39 वा वाढदिवस साजरा करत आहे. एक निर्माता, अभिनेता आणि गायक असण्याव्यतिरिक्त, धनुष त्याच्या जबरदस्त डान्ससाठी देखील ओळखला जातो. वर्षानुवर्षे त्याने रुपेरी पडद्यावर अनेक हिट चित्रपट दिले आहे. त्याच्या अष्टपैलू अभिनय कौशल्याने आणि दमदार नृत्य सादरीकरणाने लाखोंची मने जिंकली आहेत.

त्याच्या अलीकडील 'मारन' या चित्रपटातील, पोल्लाधा उलागम हे गाणे गायले असुन धनुषने जबरदस्त डान्सही केला आहे. कार्तिक नरेन दिग्दर्शित अ‍ॅक्शन-थ्रिलर तमिळ चित्रपटात मालविका मोहननने देखील भूमिका केली होती. GV प्रकाश कुमार यांनी संगीतबद्ध केलेल्या गाण्यात पारंपारिक तमिळ ट्यूनसह दोन्ही आधुनिक EDM ट्विस्ट आहेत.

2015 मध्ये आलेल्या 'मारी' चित्रपटातील, हे अत्यंत उत्साही गाणे तुम्हाला नक्कीच आवडेल. मारी हा बालाजी मोहन लिखित आणि दिग्दर्शित अॅक्शन कॉमेडी चित्रपट आहे. चित्रपटात धनुष एका गँगस्टरच्या भूमिकेत आहे. हे गाणे अनिरुद्ध रविचंदरने संगीतबद्ध केले आहे आणि गायले आहे. धनुषने या गाण्याचे बोल लिहिले आहेत. 2018 मध्ये 'मारी'चा सिक्वेल आला होता.

मारीच्या सिक्वेलमध्ये धनुष आणि सई पल्लवी या गाण्याच्या मस्त बीट्सवर डान्स करतात. युवा शंकर राजा यांनी संगीतबद्ध केलेले हे गाणे धनुष आणि एमएम मानसी यांनी गायले आहे. मजेदार रोमँटिक गाण्यात धनुष आणि सईची पात्रे एकमेकांवरील प्रेम व्यक्त करतात.

गेल्या वर्षी रिलीज झालेल्या जगमे थंडीराम या चित्रपटातील रकीता रकीता हे एकूण तमिळ मिक्स गाणं आहे. एका मंदिराबाहेर चित्रित करण्यात आलेले, धनुषने गायलेल्या गाण्यात तो सांस्कृतिक प्रॉप्ससह पारंपारिक पोशाखात नाचताना दिसतो. रकीता रकीता संतोष नारायणन यांनी संगीतबद्ध केली आहे आणि विवेक यांनी लिहिलेली आहे. हा चित्रपट कार्तिक सुब्बाराजने दिग्दर्शित केला होता.