हॉलीवूड अभिनेता अॅलेक बाल्डविनने बंदुकीतून महिलेवर झाडल्या गोळ्या...

हलिना हचिन्सच्या (Halina Hutchins) मृत्यूबाबत सर्वत्र हळहळ व्यक्त होत आहे. अनेक कलाकारांनी (artists) तिला आदरांजली (Tribute) वाहिली.
अभिनेत्याकडून चुकून गोळी झाडली
अभिनेत्याकडून चुकून गोळी झाडली Dainik gomantak

न्यू मेक्सिको: एका चित्रपटाच्या सेटवर चित्रीकरण सुरु असताना अभिनेत्याकडून चुकून गोळी झाडली गेली. यामध्ये एका सिनेमॅटोग्राफर (Cinematographer) ठार झाला तर दिग्दर्शक (Director) जखमी झाले. जी बंदूक चित्रपटात वापरण्यात येणार होती त्यातूनच गोळी झाडली गेली. हि घटना न्यू मेक्सिकोमधील सांता फे येथील बोनान्जा क्रीक रेंच या चित्रपट चित्रीकरणाच्या सेटवर घडली आहे.

असा झाला प्रकार:

या चित्रपटातील अभिनेता (Actor) एलेक बाल्डविन हे चित्रीकरण असताना त्यांच्याकडून चुकून गोळी झाडली गेली. या घटनेमध्ये 42 वर्षीय सिनेमॅटोग्राफर हलिना हचिन्स हिचा जागीच मृत्यू झाला असून या चित्रपटाचे लेखक-दिग्दर्शक वय वर्षे 48 जोएल सुझा या देखील गंभीर जखमी झाले आहे. या घटनेनंतर पोलिसांकडून या प्रकरणाचा तपास सुरू आहे.

अभिनेत्याकडून चुकून गोळी झाडली
कृत्रीम पायांच्या त्रासाला कंटाळून पंतप्रधानांकडे अभिनेत्री सुधा चंद्रनची विनंती

या मध्ये जखमी झालेल्या हलिना हचिन्सला तात्काळ उपचारसाठी न्यू मेक्सिको विद्यापीठाच्या रुग्णालयात(hospital) हेलिकॉप्टरने दाखल केले. मात्र, रुग्णालयात त्यांचा मृत्यू झाला. तसेच सुझा यांनाही जवळील रुग्णालयात दाखल केले. आता त्यांच्या प्रकृतीबाबत काहीही माहिती उपलब्ध झाली नाही.

या घटनेनंतर बाल्डविन, सुझा आणि 'रस्ट'च्या कार्यकारी निर्मात्यांनी मात्र मौन बाळगले. तसेच याबाबत पोलिसांनी (Police) अद्यापपर्यंत गुन्हा दाखल केला नाही. तसेच यामध्ये हलिना हचिन्सच्या मृत्यूबाबत सर्वत्र हळहळ व्यक्त होत आहे. अनेक कलाकारांनी तिला आदरांजली वाहिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com