Katrina Kaif Got Angry: सेलिब्रिटींच्या मागावर असलेल्या पापाराझींपासून सुटका करून घेणे अनेकदा सेलिब्रिटींना अवघड जाते. सेलिब्रिटींच्या मागोमाग एअरपोर्टपासून घराबाहेरपर्यंत या पापाराझींचा एकप्रकारे पहाराच असतो. त्यामुळे अनेक बॉलीवुड कलाकार पापाराझींवर भडकल्याच्याही घटना समोर येत असतात. असाच प्रकार अभिनेत्री कॅटरिना कैफबाबत घडला आहे. चिडलेल्या कॅटरिनाने पापाराझींना चक्क धमकीच दिली आहे.
नेहमी कूल राहणारी कॅटरिना पापाराझींवर चांगलीच भडकली. तिला स्वतःचे खासगी आयुष्य जपायला आवडते. पण तिच्या जिमबाहेर पापाराझींना पाहून कॅटरिनाचा मुडच खराब झाला. जिमबाहेर कारमधून उतरताना कॅटिरनाला पापाराझींचा गराडा पडला. ते तिचे फोटो काढू लागले. ते कॅटला अजिबात आवडले नाही.
संतापलेल्या पापाराझींवर चांगलाच जाळ काढला. चिडून कॅटरिना म्हणाली की, कॅमरा खाली करा. आम्ही येथे एक्सरसाईज करायला येतो. जर तुम्ही असे करणार असाल तर... कॅमेरा खाली करा.. आम्हालाही एक खासगी आयुष्य आहे.
कॅटरीनाचा हा नूर पाहून पापाराझींनीही लगेचच कॅमेरा खाली घेऊन कॅटरिनाची माफी मागितली. त्यानंतर कॅट जिममध्ये निघून गेली. त्यानंतर हा व्हिडिओ व्हायरल झाला. या प्रकारानंतर अनेकजण कॅटरिना गर्भवती असल्याचा संशय व्यक्त करत आहेत.
दरम्यान, कॅटरिनाचा 'फोनभूत' हा चित्रपट बॉक्स ऑफिसवर अपयशी ठरला आहे. या कॉमेडी चित्रपटात सिद्धांत चतुर्वेदी आणि ईशान खट्टर यांच्याही भूमिका होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.