सुकेश चंद्रशेखर (Sukesh Chandrashekhar) मनी लॉन्ड्रिंग प्रकरणात रोज नवनवीन खुलासे होत आहेत. पोलीस या प्रकरणाचा कसून तपास करत असून, या संबंधित प्रत्येक आरोपीची चौकशी केली जात आहे. अभिनेत्री जॅकलिन फर्नांडिसला (Jacqueline Fernandez) आज पुन्हा एकदा EOW (दिल्ली पोलिसांचे आर्थिक गुन्हे शाखा) शाखेत बोलावण्यात आले आहे. 14 सप्टेंबर रोजी त्यांची सुमारे 8 तास चौकशी केल्यानंतर जॅकलिनची आज पुन्हा चौकशी केली जात आहे.
जॅकलिन फर्नांडिस चौकशीसाठी दिल्ली पोलिसांच्या आर्थिक गुन्हे शाखेत पोहोचली आहे. एएनआय या वृत्तसंस्थेने यासंधर्भात बातनी दिली आहे.
जॅकलिन फर्नांडिसची मनी लाँड्रिंग (Money Laundering) प्रकरणात ईडीने अनेकवेळा चौकशी केली आहे. आता आर्थिक गुन्हे शाखा या प्रकरणाचा तपास करत आहे. जॅकलिन फर्नांडिसने ईडीच्या चौकशीदरम्यान सुकेश चंद्रशेखरकडून अनेक महागड्या भेटवस्तू घेतल्याचे कबूल केले आहे. त्याचबरोबर याप्रकरणी नोरा फतेहीचीही (Nora Fateh) चौकशी करण्यात आली. नोराने आपल्याला बीएमडब्ल्यू कारची ऑफर देण्यात आली होती परंतु तिने ती नाकारली अशी माहिती तिने दिली आहे.
तब्बल 200 कोटी रूपये खंडणीचा आरोप असलेला सुकेश चंद्रशेखर सध्या दिल्लीच्या तुरुंगात आहे. सुकेश चंद्रशेखर याच्यावर दहाहून अधिक गुन्हे दाखल आहेत. या प्रकरणात जॅकलीन आणि नोरा फतेही व्यतिरिक्त इतर चार अभिनेत्रींचीही नावे नुकतीच समोर आली आहेत. निकिता तांबोळी, चाहत खन्ना, सोफिया सिंग आणि आरुषा पाटील यांनी सुकेश चंद्रशेखर यांची तुरुंगात भेट घेतल्याची माहिती समोर आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
